ഡിസംബറില് മാത്രം വാട്സ്ആപ്പ് ഇന്ത്യയില് നിരോധിച്ചത് 20 ലക്ഷത്തിലധികം അക്കൗണ്ടുകള് എന്ന് റിപ്പോര്ട്ടുകള് പുറത്ത്.
20,79,000 ഇന്ത്യന് അക്കൗണ്ടുകള് നിരോധിച്ചുവെന്ന് വാട്സ്ആപ്പ് പുറത്തിറക്കിയ ഏറ്റവും പുതിയ പ്രതിമാസ ഇന്ത്യ റിപ്പോര്ട്ടിൽ പറയുന്നു.
ഇന്ത്യയുടെ പുതിയ ഐടി ചട്ടമനുസരിച്ചാണ് (ഇന്റര്മീഡിയറി മാര്ഗ്ഗനിര്ദ്ദേശങ്ങളും ഡിജിറ്റല് മീഡിയ എത്തിക്സ് കോഡും) ഈ റിപ്പോര്ട്ടുകള് പുറത്തിറക്കിയിരിക്കുന്നത്.
2021 ഡിസംബര് 1 മുതല് 31 വരെയുള്ള കാലയളവിലുള്ള വിവരങ്ങളാണിത്.ഈ ഒരുമാസത്തില് 528 പരാതി ലഭിച്ചെന്ന് വാട്സ്ആപ്പ് വ്യക്തമാക്കി.
സ്പാം എന്ന് തരംതിരിക്കാവുന്ന ഓട്ടോമേറ്റഡ് അല്ലെങ്കില് ബള്ക്ക് മെസേജിന്റെ അനധികൃത ഉപയോഗം മൂലമാണ് ഇതില് ഭൂരിഭാഗം അക്കൗണ്ടുകളും നിരോധിച്ചിരിക്കുന്നത്. +91 എന്ന ഫോണ് നമ്പര് വഴിയാണ് ഇന്ത്യന് നമ്പറുകള് ഉള്പ്പെടുന്നുണ്ടെന്ന് ആപ്പ് തിരിച്ചറിയുന്നത്.
റിപ്പോര്ട്ട് ഫീച്ചര് വഴി ഉപയോക്താക്കളില് നിന്ന് ലഭിച്ച നെഗറ്റീവ് ഫീഡ്ബാക്ക് മെച്ചപ്പെടുത്തുന്നതിനുള്ള നടപടികളും ഉള്പ്പെടുന്നുണ്ടെന്ന് ആപ്പ് വ്യക്തമാക്കുന്നു.