![](https://i0.wp.com/malluchronicle.com/wp-content/uploads/2023/10/tirur_murder8279115898088549002.jpg?resize=600%2C390&ssl=1)
മലപ്പുറം: തിരൂരില് യുവാവ് ചോരവാര്ന്ന് മരിച്ചനിലയില്. പുറത്തൂര് സ്വദേശി സ്വാലിഹ് ആണ് മരിച്ചത്. സ്വകാര്യ വ്യക്തിയുടെ പുരയിടത്തിലാണ് മൃതദേഹം കണ്ടെത്തിയത്. കാലുകള് ആഴത്തില് മുറിവ് പറ്റിയ നിലയിലാണ്. കൊലപാതകമെന്ന പ്രാഥമിക നിഗമനത്തില് പൊലീസ് അന്വേഷണം ആരംഭിച്ചു. പരിക്കേറ്റ രണ്ട് പേരെ ആശുപത്രിയിൽ പ്രവേശിപ്പിച്ചിട്ടുണ്ട്.
ഇന്നലെ രാത്രിയാണ് സംഭവം. ഇന്നലെ രാത്രി ചിലര് തമ്മില് ഏറ്റുമുട്ടല് നടന്നതായി പൊലീസിന് സൂചന ലഭിച്ചിട്ടുണ്ട്. ഇതില് സംഭവിച്ചതാകാമെന്നാണ് പൊലീസിന്റെ പ്രാഥമിക നിഗമനം. ശരീരമാസകലം പരിക്കേറ്റ പാടുകളുണ്ട്. കാലുകളില് ആഴത്തിലുള്ള മുറിവുകളുണ്ട്. ലഹരി മാഫിയ സംഘങ്ങൾ തമ്മിലുള്ള സംഘർഷമാണെന്നാണ് സൂചന.
ചോരവാര്ന്ന് മരിച്ചനിലയിലാണ് യുവാവിന്റെ മൃതദേഹം സ്വകാര്യ വ്യക്തിയുടെ പുരയിടത്തില് കണ്ടെത്തിയത്. ലഹരി സംഘങ്ങളെ കേന്ദ്രീകരിച്ചുള്ള അന്വേഷണം ആരംഭിച്ചതായി പൊലീസ് അറിയിച്ചു.