മലയാളികളുടെ പ്രിയപ്പെട്ട നടിയാണ് സിനിമാതാരം ജയറാമിന്റെ ഭാര്യ കൂടിയായ പാർവതി ജയറാം. ഒട്ടനവധി ചിത്രങ്ങളിലൂടെ മലയാളി പ്രേക്ഷകരുടെ മനസ്സിൽ ഇടം നേടിയ പാർവതി വിവാഹത്തിന് ശേഷം മലയാള സിനിമയിൽ നിന്നും മാറി നിൽക്കുകയാണെങ്കിലും മലയാളികളുടെ മനസ്സിൽ നിന്നും മാഞ്ഞിട്ടില്ല.
എന്ത് ചെയ്താലും രണ്ട് അഭിപ്രായമുള്ളവരുടെ ഇടമായ സോഷ്യൽ മീഡിയയിൽ സമൂഹത്തിൽ അറിയപ്പെടുന്നവർക്കെതിരെയും അറിയപ്പെടാത്തവർക്കെതിരെയും ഒരുപോലെ സൈബർ ആക്രമണം നടത്തുക എന്നത് ചിലരുടെ രീതിയാണ്. അത്തരത്തിൽ സൈബർ ആക്രമണത്തിന് ഇരയായിരിക്കുകയാണ് മലയാളികളുടെ പ്രിയ നടി പാർവതി ജയറാം.
കഴിഞ്ഞ ഞായറാഴ്ച വൈകീട്ട് തിരുവനന്തപുരത്തെ കനകക്കുന്ന് പാലസിലെ നിശാഗന്ധി ഓഡിറ്റോറിയത്തിൽ ഫാഷൻ ഷോയിൽ റാമ്പിൽ ചുവടുവെച്ച ചിത്രങ്ങളും വീഡിയോയും പുറത്ത് വന്നതോടെയാണ് ചിലർക്ക് കുരുപൊട്ടിയൊലിക്കൽ തുടങ്ങിയത്.
“ഈ കിളവിക്ക് വീട്ടിൽ ഇരുന്നൂടെ.? ഇവർക്ക് വേറെ പണിയൊന്നുമില്ലേ, വായസ്സായാൽ വീട്ടിലിരിക്കണം”, എന്ന് തുടങ്ങി തെറിവിളി വരെ ഈ കൂട്ടത്തിൽ പെടുന്നുണ്ട്.
നടിക്കെതിരെ വരുന്ന നെഗറ്റീവ് കമന്റുകളെ പ്രതിരോധിക്കാൻ നിരവധി പേർ രംഗത്തെത്തുന്നുണ്ട്. ചിലർ പാർവതി റാമ്പിൽ ചുവടുവെച്ചതിനെ നടിയുടെ സിനിമയിലേക്കുള്ള തിരിച്ചുവരവായും കാണുന്നുണ്ട്.
കേരള ഗെയിംസിനോടനുബന്ധിച്ച് വിവേഴ്സ് വില്ലേജിന്റെ നേത്രത്വത്തിൽ സംഘടിപ്പിച്ച കൈത്തറി വസ്ത്രങ്ങളുടെ ഫാഷൻഷോയിലായിരുന്നു നടിയുടെ പ്രകടനം. പാർവതിക്കൊപ്പം മകൾ മാളവികയും റാമ്പിൽ ചുവടുവെച്ചു. ഇരുവരുടെയും ചിത്രങ്ങൾ ജയറാം ഇൻസ്റ്റഗ്രാമിൽ പങ്കുവെച്ചു.