കോഴിക്കോട് ജില്ലയിൽ വീണ്ടും ഷിഗെല്ല രോഗം സ്ഥിരീകരിച്ചു. പുതിയാപ്പ സ്വദേശിനിയായ ആറു വയസ്സുകാരിക്കാണ് രോഗം കണ്ടെത്തിയത്. ഇന്നലെ നടത്തിയ പരിശോധനയിലാണ് വൈറസ് സ്ഥിരീകരിച്ചത്.
നിലവിൽ കുട്ടിയുടെ ആരോഗ്യനില തൃപ്തികരമാണെന്നും രോഗ വ്യാപനമില്ലെന്നും ആരോഗ്യ വകുപ്പ് വ്യക്തമാക്കി. പ്രതിരോധ പ്രവര്ത്തനങ്ങളുടെ ഭാഗമായി പ്രദേശത്ത് നാളെ ജലപരിശോധന നടത്തും.
വയറിളക്കവും പനിയുമാണ് രോഗത്തിന്റെ പ്രധാന ലക്ഷണങ്ങള്. ഷിഗല്ല ബാക്ടീരിയ കൂടുതലും ചെറിയ കുട്ടികളെയാണ് ബാധിക്കുന്നത്. വൃത്തിഹീനമായ വെള്ളത്തിലൂടെയും പഴകിയതും കേടായതുമായ ഭക്ഷണത്തിലൂടെയുമാണ് ഒരാളില് നിന്നും മറ്റൊരാളിലേക്ക് രോഗം വ്യാപിക്കുക .