സിനിമകളിലൂടെയും ടെലിവിഷൻ പരിപാടികളിലൂടേയും പ്രേക്ഷകരുടെ പ്രിയങ്കരനായി മാറിയ വ്യക്തിയാണ് ഗോവിന്ദ് പത്മസൂര്യ. ജി പി എന്നാണ് പ്രേക്ഷകർ അദ്ദേഹത്തെ സ്നേഹപൂർവ്വം വിളിക്കാറുള്ളത്. എന്തുകൊണ്ടാണ് ജി പി ഇതുവരെ വിവാഹം കഴിക്കാത്തത് എന്ന് ചോദ്യമാണ് അദ്ദേഹം എപ്പോഴും കേൾക്കാറുള്ളത്. ഇന്ന് ആ ചോദ്യങ്ങൾക്ക് അവസാനമായിരിക്കുകയാണ്.
താൻ വിവാഹിതനാവാൻ പോകുന്ന വാർത്ത ജി പി തന്നെ സോഷ്യൽ മീഡിയയിലൂടെ അറിയിച്ചിരിക്കുകയാണ്. പ്രമുഖ സീരിയൽ സാന്ത്വനത്തിലെ നടി ഗോപിക അനിലുമായുള്ള വിവാഹനിശ്ചയ ഫോട്ടോ ജി പി ഫേസ്ബുക്കിൽ പങ്കുവെച്ചു.
ജിപിയുടെ ഫേസ്ബുക്ക് കുറിപ്പ് ഇങ്ങനെ..
ഇന്ന് അഷ്ടമി ദിനത്തിൽ ശുഭമുഹൂർത്തത്തിൽ ഞങ്ങളുടെ വിവാഹ നിശ്ചയമാണ്. വീട്ടുകാരുടെ നിർദ്ദേശപ്രകാരം കണ്ടുമുട്ടിയ ഞങ്ങളുടെ ഹൃദയബന്ധം സാവകാശം പൂവിടുകയായിരുന്നു എന്നാണ് ജി പി കുറിച്ചത്.
ഞങ്ങൾ വളരെ സന്തോഷത്തോടുകൂടിയാണ് ഇതു നിങ്ങളുമായി പങ്കുവെയ്ക്കുന്നത്. ഇന്ന് അഷ്ടമി ദിനത്തിൽ ശുഭമുഹൂർത്തത്തിൽ ഞങ്ങളുടെ വിവാഹ നിശ്ചയമാണ്. വീട്ടുകാരുടെ നിർദ്ദേശപ്രകാരം കണ്ടുമുട്ടിയ ഞങ്ങളുടെ ഹൃദയബന്ധം സാവകാശം പൂവിടുകയായിരുന്നു.
നിങ്ങൾ എന്നും ഞങ്ങളെ സ്വന്തം കുടുംബാംഗത്തെപോലെ ആണ് ചേർത്തുപിടിച്ചിട്ടുള്ളത്.
നിങ്ങളുടെ ഈ സ്നേഹം തന്നെയാണ് ഞങ്ങളുടെ ഊർജ്ജവും. ഞങ്ങളുടെ ഒരുമിച്ചുള്ള ഈ കാൽവെപ്പിൽ നിങ്ങളുടെ എല്ലാവിധ പ്രാർത്ഥനയും അനുഗ്രഹവും ഉണ്ടായിരിക്കും എന്ന വിശ്വാസത്തോടെ
സസ്നേഹം
ഗോവിന്ദ് പത്മസൂര്യ
ഗോപിക അനിൽ