കോഴിക്കോട്: നിപ ജാഗ്രതയുടെ ഭാഗമായി കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അനിശ്ചിതകാല അവധി. 18 മുതല് ഓണ്ലൈന് ക്ലാസ് മാത്രമായിരിക്കും. സ്കൂള്, സ്വകാര്യട്യൂഷന് സെന്ററുകള്, അങ്കണവാടി,മദ്രസ എന്നിവയ്ക്ക് അവധി ബാധകമാണ്. പൊതു പരീക്ഷകള്ക്ക് മാറ്റമില്ല.
നിപ പ്രതിരോധം ശക്തമാക്കിയിരിക്കുകയാണ് കോഴിക്കോട് ജില്ലാ ഭരണകൂടം. കോഴിക്കോട് കോർപറേഷനിലെ ഏഴു വാർഡുകളും ഫറൂഖ് നഗരസഭയും കണ്ടെയ്ൻമെന്റ് സോണുകളാക്കി പ്രഖ്യാപിച്ചിട്ടുണ്ട്. നിപ ബാധിച്ച് നാല് പേരാണ് വിവിധ ആശുപത്രികളിലായി ചികിത്സയിൽ കഴിയുന്നത്.
അതേസമയം നിപ സംശയത്തെത്തുടര്ന്ന് പരിശോധനയ്ക്കയച്ച പതിനൊന്ന് സാമ്പിളുകള് കൂടി നെഗറ്റീവാണെന്ന് ആരോഗ്യ മന്ത്രി വീണാ ജോര്ജ് അറിയിച്ചു. പോസിറ്റീവായ വ്യക്തിയുമായി അടുത്ത സമ്പര്ക്കം പുലര്ത്തിയവരാണിവര്.
ഇതോടെ ഹൈറിസ്ക് വിഭാഗത്തില് 94 പേരുടെ ഫലം നെഗറ്റീയവായി. ഹൈറിസ്ക് കാറ്റഗറിയിലുള്ള മുഴുവന് പേരുടേയും പരിശോധന പൂര്ത്തിയാക്കും. കോഴിക്കോട് ജില്ലയിലെ എല്ലാ ഭാഗത്ത് നിന്നും സാമ്പിള് ശേഖരിക്കുകയാണ്.