![](https://i0.wp.com/malluchronicle.com/wp-content/uploads/2022/02/image_search_1644041904001-1.jpg?resize=650%2C381&ssl=1)
ആക്രമിക്കപ്പെട്ടതിന്റെ ദൃശ്യം കോടതിയില് നിന്ന് ചോര്ന്നെന്ന വാര്ത്ത അന്വേഷിക്കണമെന്നാവശ്യപ്പെട്ട് ഇരയായ നടി രാഷ്ട്രപതിക്കും പ്രധാനമന്ത്രിക്കും കത്തെഴുതി. സുപ്രീംകോടതി ചീഫ് ജസ്റ്റിസ്, ഹൈക്കോടതി ചീഫ് ജസ്റ്റിസ്, കേന്ദ്ര വിജിലന്സ് കമ്മീഷണര്മാര്, കേന്ദ്ര-സംസ്ഥാന വനിതാ കമ്മീഷന് തുടങ്ങിയവര്ക്കും കത്തിന്റെ പകര്പ്പ് നല്കിയിട്ടുണ്ട്.
താന് ആക്രമിക്കപ്പെട്ടതിന്റെ ദൃശ്യങ്ങള് എറാണാകുളം സെഷന്സ് കോടതിയില് നിന്ന് ചോര്ന്നുവെന്ന വാര്ത്ത പ്രചരിക്കുന്നുണ്ട്. ഇതില് അന്വേഷണം നടത്തണമെന്ന് ആവശ്യപ്പെട്ടുകൊണ്ടാണ് നടി വെള്ളിയാഴ്ച്ച കത്തയച്ചത്.
വിദേശത്തുള്ള ചില ആളുകളില് ദൃശ്യങ്ങള് എത്തിയെന്ന തരത്തിൽ ഞെട്ടിക്കുന്ന വാര്ത്തകൾ വരുന്നുണ്ട്. തന്റെ സ്വകാര്യതയെ ഹനിക്കുന്ന സംഭവമാണിത്. കോടതിയില് നിന്ന് നീതി പ്രതീക്ഷിച്ചുകൊണ്ടിരിക്കുന്ന ഒരു വ്യക്തിയാണ് താനെന്നും ഇക്കാര്യത്തില് അന്വേഷണം വേണമെന്നും നടി ആവശ്യപ്പെട്ടു.
എറണാകുളം സെഷന്സ് കോടതിയില് നിന്ന് വിചാരണ കോടതിയിലേക്ക് ദൃശ്യങ്ങള് എത്തിച്ചപ്പോഴാണ് ഇത് ചോര്ന്നുവെന്നതാണ് സൂചനകള് വന്നത്.