![](https://i0.wp.com/malluchronicle.com/wp-content/uploads/2023/09/Kushi_1693798454981_1693798461695.jpg?resize=550%2C309&ssl=1)
വിജയ് ദേവെരകൊണ്ടയും സാമന്തയും ഒന്നിച്ച റൊമാന്റിക് കോമഡി ചിത്രമാണ് ‘ഖുഷി’. ശിവ നിർവാണയുടെ സംവിധാനത്തിൽ ഒരുങ്ങിയ പാൻ ഇന്ത്യൻ റൊമാന്റിക് ചിത്രമായ ഖുഷി 2023 സെപ്റ്റംബർ 1-നാണ് തിയേറ്ററുകളിൽ എത്തിയത്.
ഇപ്പോഴിതാ പുതിയ ചിത്രം വമ്പൻ ഹിറ്റിലേക്ക് നീങ്ങുകയാണ്. ചിത്രം 70.23 കോടിയാണ് മൂന്ന് ദിവസത്തില് നേടിയിരിക്കുന്നത് എന്നാണ് ട്രേഡ് അനലിസ്റ്റ് രമേഷ് ബാല ട്വീറ്റ് ചെയ്തിരിക്കുന്നത്.
ഒരു റൊമാന്റിക് കോമഡി ചിത്രമായിട്ടാണ് ‘ഖുഷി’ ഒരുക്കിയിരിക്കുന്നത്. ‘വിപ്ലവ്’ എന്ന നായകനായി വിജയ്യും ചിത്രത്തില് ‘ആരാധ്യ’ എന്ന നായികയായി സാമന്തയും വേഷമിട്ടിരുന്നു.
വ്യത്യസ്ത വീക്ഷണകോണില് ജീവിക്കുന്ന ഇരുവരും വിവാഹിതരാകുന്നതോടെ നടക്കുന്ന സംഘര്ഷങ്ങളാണ് ചിത്രത്തിന്റെ പ്രമേയം. യുക്തിചിന്താഗതിയുള്ളയാളാണ് ‘വിപ്ലവെ’ങ്കില് വിശ്വാസിയാണ് ‘ആരാധ്യ’.
ഫീല്ഗുഡ് എന്റര്ടെയ്നര് ചിത്രമാണ് ‘ഖുഷി’. ചിത്രത്തിൽ തമാശയ്ക്കും പ്രധാന്യം നല്കിയിട്ടുണ്ട്. മണിരത്നം, എ ആര് റഹ്മാൻ, വിജയ്, സാമന്ത തുടങ്ങിയവരുടെ നിരവധി ഹിറ്റ് സിനിമകളുടെ റെഫറൻസും ‘ഖുഷി’യില് വര്ക്കായിരിക്കുന്നു.
നായകൻ വിജയ് ദേവെരകൊണ്ടയുടെ കോമഡികളും ചിത്രത്തില് രസിപ്പിക്കുന്നതാണ്. സാമന്തയും ‘ആരാധ്യ’ എന്ന കഥാപാത്രം ചിത്രത്തില് മികവുറ്റതാക്കി. ചിത്രം മൈത്രി മൂവി മേക്കേഴ്സിന്റെ ബാനറിലാണ് നിര്മിച്ചിരിക്കുന്നത്.
കശ്മീര് അടക്കമുള്ള മനോഹരമായ സ്ഥലങ്ങളില് ‘ഖുഷി’ ചിത്രീകരിച്ചപ്പോള് ഛായാഗ്രാഹണം നിര്വഹിച്ചിരിക്കുന്നത് മുരളി ജി ആണ്. ‘ഹൃദയം’ എന്ന ഹിറ്റ് ചിത്രത്തിന്റെ സംഗീതം ഒരുക്കിയ ഹിഷാം അബ്ദുള് വഹാബ് വിജയ് ദേവരെകൊണ്ടയുടെ ‘ഖുഷി’യിലെ പാട്ടുകളിലൂടെ തെലുങ്ക് പ്രേക്ഷകരുടെയും പ്രിയം സമ്പാദിക്കുന്നു.