ഇടുക്കി: ഇടുക്കിയിൽ ആഫ്രിക്കന് പന്നിപ്പനി സ്ഥിരീകരിച്ചു. ഇടുക്കി തൊടുപുഴ കരിമണ്ണൂരിലെ ഫാമിലാണ് പന്നിപ്പനി കണ്ടെത്തിയത്.
രോഗം കണ്ടെത്തിയ ഫാമിന്റെ പത്ത് കിലോമീറ്റര് ചുറ്റും നിരീക്ഷണ മേഖലയായി പ്രഖ്യാപിച്ചു. രോഗം സ്ഥിതീകരിച്ച പ്രദേശങ്ങളിൽ പന്നി മാംസ അറവും വിൽപ്പനയും തടഞ്ഞിരിക്കുകയാണ്.
രോഗം ബാധിച്ച പന്നികളെ ദയാവധത്തിന് വിധേയമാക്കും. ഇങ്ങനെയുള്ള പന്നികളുടെ ഉടമസ്ഥർക്ക് നഷ്ടപരിഹാരം നല്കുമെന്ന് മൃഗസംരക്ഷണ വകുപ്പ് വ്യക്തമാക്കി.
കഴിഞ്ഞ ജൂലൈ, ഒക്ടോബര് മാസങ്ങളിൽ പാലക്കാടും തൃശൂരും വയനാട്ടിലും പന്നിപ്പനി സ്ഥിരീകരിച്ചിരുന്നു. ഈ മാസം കോട്ടയത്തും രോഗം കണ്ടെത്തിയതോടെ ജില്ലയിലെ 181 പന്നികളെയാണ് ദായവാദത്തിന് വിധേയമാക്കിയത്.
ആര്പ്പൂക്കര, മുളക്കുളം പഞ്ചായത്തുകളില് രണ്ട് സ്വകാര്യ പന്നിഫാമുകളിലാണ് ആഫ്രിക്കന് പന്നിപ്പനി ബാധ സ്ഥിരീകരിച്ചത്. ജില്ലാ കളക്ടര് ഡോ.പി. കെ. ജയശ്രീയുടെ ഉത്തരവ് പ്രകാരമാണ് ഫാമുകളിലെ പന്നികളെ ദയാവധം നടത്തി സംസ്കരിച്ചത്. ഫാമിലെ പന്നികള് കൂട്ടത്തോടെ ചത്തതിനെത്തുടര്ന്നാണ് സാമ്പിളുകള് ലാബിലേക്ക് അയച്ചത്. പരിശോധനയില് പന്നിപ്പനി ഉറപ്പുവരുത്തുകയായിരുന്നു.