![](https://i0.wp.com/malluchronicle.com/wp-content/uploads/2022/02/download28529-1.jpeg?resize=299%2C168&ssl=1)
കോട്ടയം: പണപ്പിരിവും അഴിമതിയും നടത്തി എന്ന ആരോപണത്തെ തുടർന്ന് കോട്ടയത്ത് രണ്ടു പൊലീസ് ഉദ്യോഗസ്ഥർക്ക് സസ്പെൻഷൻ.
കോട്ടയം ഈസ്റ്റ് പൊലീസ് സ്റ്റേഷനിലെ ഡ്രൈവർ ബിജി എരുമേലി പൊലീസ് ഇൻസ്പെക്ടർ മനോജ് മാത്യു എന്നിവരെയാണ് സസ്പെൻഡ് ചെയ്തത്.
കാഞ്ഞിരപ്പള്ളി ഡിവൈ.എസ്.പി.യുടെ അന്വേഷണ റിപ്പോര്ട്ടിന്റെ അടിസ്ഥാനത്തില് ദക്ഷിണ മേഖലാ ഐജിയാണ് ഉത്തരവിറക്കിയത്.
മണല് മാഫിയയില്നിന്ന് പണം വാങ്ങി ഒത്താശ ചെയ്തുകൊടുത്തെന്ന ആരോപണത്തിന്റെ അടിസ്ഥാനത്തില് വിജിലന്സ് നടത്തിയ അന്വേഷണത്തില് പൊലീസ് ഡ്രൈവറായ ബിജിക്കെതിരേ വിജിലന്സ് ഡയറക്ടര് നടപടിക്ക് ശുപാര്ശ ചെയ്തിരുന്നു.
2020-ല് കുറവിലങ്ങാട് പൊലീസ് സ്റ്റേഷനില് ജോലി ചെയ്യുന്നതിനിടെയാണ് സംഭവം. ഇതിന്റെ അടിസ്ഥാനത്തില് സംസ്ഥാന പൊലീസ് മേധാവിയുടെ നിര്ദേശത്തെ തുടര്ന്ന് എ.ഐ.ജിയാണ് ഉത്തരവിറക്കിയത്.
ശബരിമല മണ്ഡലകാലത്ത് എരുമേലിയിലെ പാര്ക്കിങ് മൈതാനത്ത് വാഹനങ്ങളില്നിന്ന് പണപ്പിരിവ് നടത്തിയെന്നാണ് എരുമേലി പൊലീസ് ഇൻസ്പെക്ടർ മനോജ് മാത്യുവിനെതിരെയുള്ള പരാതി.
അഴിമതിയാരോപണമുയര്ന്ന മറ്റു രണ്ട് പൊലീസ് ഉദ്യോഗസ്ഥര്ക്കെതിരെയും ഉടന് നടപടിയുണ്ടാകുമെന്നാണ് റിപ്പോർട്ടുകൾ