ഗോവയുടെ ഗവര്ണര് പദവിയിലേക്ക് പി എസ് ശ്രീധരന്പിള്ള. പുതിയ ഗവര്ണര്മാരുടെ പട്ടികയിലാണ് മിസോറാം ഗവര്ണറായ പി എസ് ശ്രീധരന് പിള്ളയെ ഗോവയിലേക്ക് മാറ്റി നിയമിച്ചിട്ടുള്ളത്. നിലവിൽ മിസോറാം ഗവർണ്ണറാണ് പി. എസ് ശ്രീധരൻ പിള്ള.
2019 നവംബറിലായിരുന്നു ശ്രീധരന് പിള്ള മിസോറാം ഗവര്ണറായി നിയമിതനായത്. മിസോറാമിന്റ പതിനഞ്ചാമത് ഗവർണ്ണറായ അദ്ദേഹം ഈ ചുമതലയിലെത്തുന്ന മൂന്നാമത് മലയാളി കൂടിയായിരുന്നു.
കേന്ദ്ര മന്ത്രിസഭാ പുനസംഘടനയ്ക്ക് മുന്നോടിയായി ഗോവ ഉൾപ്പടെ എട്ട് സംസ്ഥാനങ്ങളിലേക്കാണ് പുതിയ ഗവര്ണര്മാരെ നിയമിച്ചിരിക്കുന്നത്. കര്ണാടക, മിസോറാം, മധ്യപ്രദേശ്, ഹിമാചല് പ്രദേശ്, ഗോവ, ത്രിപുര, ജാര്ഖണ്ഡ്, ഹരിയാന സംസ്ഥാനങ്ങളിലാണ് ഗവര്ണര്മാരെ മാറ്റി നിയമിച്ചത്.