പടിഞ്ഞാറത്തറ: വിനോദയാത്രയ്ക്കെത്തി കുളിക്കുന്നതിനിടെ വയനാട് ബാണാസുരസാഗര് ഡാമില് കാണാതായ യുവാവിന്റെ മൃതദേഹം കണ്ടെത്തി.
കൊടുവള്ളി പറമ്പത്ത്കാവ് സഹകരണമുക്ക് വേരുംപിലാക്കിയില് അബൂബക്കറിന്റെ മകന് റാഷിദി(27)ന്റെ മൃതദേഹമാണ് തിരച്ചിലില് കണ്ടെത്തിയത്. കുറ്റിയാംവയല് ഭാഗത്ത് സുഹൃത്തുക്കളോടൊപ്പം കുളിക്കുന്നതിനിടെയായിരുന്നു അപകടം
ഞായറാഴ്ച ഉച്ചക്ക് ശേഷമാണ് അപകടം ഉണ്ടായത്. കോവിഡ് നിയന്ത്രണങ്ങൾ മൂലം വിനോദ സഞ്ചാര കേന്ദ്രങ്ങളെല്ലാം ജില്ലയിൽ അടഞ്ഞു കിടക്കുകയാണ്. ബാണാസുര സാഗറിലും ആളുകൾക്ക് പ്രവേശനമില്ല. റിസർവോയറിന്റെ മറ്റൊരു ഭാഗത്ത് ഇറങ്ങിയപ്പോഴാണ് അപകടം.
അഗ്നിരക്ഷാ സേനയും നാട്ടുകാരും നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്.
മൃതദേഹം പോസ്റ്റുമാർട്ടത്തിനായി മാനന്തവാടി മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റുമാർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.
മാതാവ്: താഹിറ. സഹോദരങ്ങൾ: മുഹമ്മദ് റാഫി, റിഷാദ്, ഹബീബ.