കണ്ണൂർ: എലത്തൂരില് ആക്രമണം നടന്ന അതേ ട്രയിനിലെ എക്സിക്യൂട്ടീവ് എക്സ്പ്രസ്സിൽ വീണ്ടും തീപിടുത്തം. ഒരു ബോഗി പൂർണ്ണമായും കത്തി നശിച്ചു. പുലർച്ചെ 1.45 ഓടെ ആണ് തീപടർന്നത്.
പിൻഭാഗത്തെ ജനറൽ കോച്ചിൽ ആണ് തീപ്പിടുത്തം.
അഗ്നിശമന വിഭാഗം എത്തി തീ അണച്ചു. അതേസമയം, സംഭവത്തിൽ അട്ടിമറി സംശയിക്കുന്നതായി റെയിൽവെ അധികൃതർ പറഞ്ഞു. കത്തിയത് എലത്തൂരിൽ തീ പിടിച്ച അതെ തീവണ്ടി തന്നെയാണ്. രാത്രി കണ്ണൂരിൽ യാത്ര അവസാനിച്ചതിനു ശേഷം ആണ് തീ പിടിച്ചത്.
അതേസമയ ട്രെയിനിന് തീപിടിച്ച സംഭവത്തില് തീപിടുത്തത്തിന് തൊട്ടുമുന്പുള്ള സിസിടിവി ദൃശ്യങ്ങള് ലഭിച്ചു. റെയില്വേയ്ക്ക് ലഭിച്ച ദൃശ്യങ്ങളിലുള്ളത്. സംഭവത്തില് അട്ടിമറി സാധ്യത റെയില്വേ തള്ളിക്കളഞ്ഞിട്ടില്ല. ദൃശ്യങ്ങള് നിലവില് റെയില്വേ പരിശോധിക്കുകയാണ്.
എലത്തൂരില് ആക്രമണം നടന്ന അതേ ട്രയിനിന് തന്നെയാണ് തീപിടിച്ചതെന്നാണ് ദുരൂഹത വര്ധിപ്പിക്കുന്നത്.നിര്ത്തിയിട്ടിരുന്ന എക്സിക്യൂട്ടീവ് എക്സ്പ്രസിന്റെ ബോഗിയാണ് കത്തി നശിച്ചത്.
തീയിട്ടതാകാനുള്ള സാധ്യത സംശയിക്കുന്നതായാണ് റെയില്വേ അധികൃതര് പറയുന്നത്. പ്രാഥമിക അന്വേഷണം പുരോഗമിക്കുകയാണ്.ഏപ്രില് രണ്ടിനാണ് എലത്തൂരില് വെച്ച് ഇതേ ട്രയിനില് ആക്രമണമുണ്ടായത്.