മലയാള സിനിമയിലെ അഭിനേതാക്കൾ തനിക്ക് ഏറെ പ്രചോദനമാണെന്ന് നടി സാമന്ത. മലയാളത്തില്‍ നിന്നും വരുന്ന അഭിനേതാക്കള്‍ക്ക് ജന്മനാ അഭിനയം അറിയാവുന്ന പോലെ തോന്നാറുണ്ടെന്നും മലയാള സിനിമകളിൽ നിന്നും ഒരുപാട് പഠിക്കാനുണ്ടെന്നും നടി പറഞ്ഞു.
തന്റെ പുതിയ ചിത്രമായ ‘ശാകുന്തളം’ വാർത്ത സമ്മേളനത്തിലാണ് സാമന്ത ഇങ്ങനെ പറഞ്ഞത്. ‘മലയാള സിനിമയിലെ അഭിനേതാക്കൾ എനിക്ക് പ്രചോദനമാണ്. അവർക്ക് ജന്മനാ അഭിനയം അറിയാവുന്ന പോലെ തോന്നാറുണ്ടെന്നും തന്റെ അഭിനയം ആവര്‍ത്തന വിരസമാകുമ്പോള്‍ മലയാള സിനിമകള്‍ കാണുമെന്നും താരം പറഞ്ഞു.
മലയാള സിനിമകളിൽ നിന്നും ഒരുപാട് പഠിക്കാനുണ്ട്. സബ്‌ടൈറ്റില്‍ വച്ചാണ് കാണാറുള്ളതെങ്കിലും, മലയാളത്തിലെ മിക്ക സിനിമകളും ഞാൻ കണ്ടിട്ടുണ്ട്. ‘സൂപ്പർ ഡീലക്സിൽ’ ആയിരുന്നു ഞാൻ ഫഹദിന്റെ കൂടെ അഭിനയിച്ചത്.
അദ്ദേഹത്തിന്റെ പ്രകടനം കണ്ട് താൻ ഞെട്ടിയിട്ടുണ്ട് കൂടാതെ ഫഹദിന്റെ അഭിനയത്തിന് എപ്പോഴും പുതുമായുണ്ടാകും. ഇനി അവസരം ലഭിക്കുവാണെങ്കിൽ ഫഹദിനൊപ്പം അഭിനയിക്കാനാണ് എനിക്ക് ആഗ്രഹം’, സാമന്ത പറഞ്ഞു.
About Post Author
