ഇടുക്കി: തൊടുപുഴയില്‍ വൃദ്ധയായ അമ്മയെ പൂട്ടിയിട്ട് 46 വയസ്സുള്ള ഭിന്നശേഷിക്കാരിയെ ബലാത്സംഗം ചെയ്ത പ്രതി പിടിയിൽ . വീട്ടില്‍ അറ്റകുറ്റപ്പണിക്കെത്തിയ കരിങ്കുന്നം സ്വദേശി മനുവാണ് ഭിന്നശേഷിക്കാരിയായ സ്ത്രീയെ പീഡനത്തിന് ഇരയാക്കിയത്.
സംഭവത്തിൽ ഇരയായ സ്ത്രീയുടെ അമ്മ നൽകിയ പരാതിയിൽ അടിസ്ഥാനത്തില്‍ പ്രതിയെ പോലീസ് അറസ്റ്റ് ചെയ്തു.
ഏപ്രില്‍ നാലിനാണ് കേസിനാസ്പദമായ സംഭവം നടക്കുന്നത്. വീട്ടില്‍ ജോലിക്കുവന്ന പ്രതി 76-കാരിയായ അമ്മയെ മുറിയില്‍ പൂട്ടിയിട്ട ശേഷം ഭിന്നശേഷിക്കാരിയെ പലതവണ ബലാത്സംഗം ചെയ്തുവെന്നാണ് പരാതി. അവശനിലയിലായ മകളെ പിന്നീട് അമ്മതന്നെയാണ് ആശുപത്രിയിലെത്തിച്ചത്.
വീട്ടില്‍ അതിക്രമിച്ച് കയറല്‍, ആവര്‍ത്തിച്ചുള്ള ബലാത്സംഗം, ഭീഷണിപ്പെടുത്തല്‍ തുടങ്ങിയ കുറ്റങ്ങളാണ് പ്രതിക്കെതിരേ ചുമത്തിയിട്ടുള്ളത്. പ്രതിയെ പോലീസ് വിശദമായി ചോദ്യംചെയ്തുവരുകയാണ്.
About Post Author
