ഇടുക്കി: അരിക്കൊമ്പനെ പിടികൂടുന്നതുമായി ബന്ധപ്പെട്ട കോടതി ഉത്തരവിനെതിരെ പ്രതിഷേധം ശക്തമാകുന്നതിനിടെ ഇടുക്കി സിങ്കുകണ്ടത്ത് വീണ്ടും കാട്ടാനയുടെ ആക്രമണം.
ഇന്നലെ രാത്രിയാണ് രണ്ട് പേര്‍ക്ക് നേരെ കാട്ടാന ആക്രമണമുണ്ടായത്.സിങ്കുകണ്ടം സ്വദേശികളായ വത്സനും വിൻസന്റിനും നേരെയാണ് അക്രമം ഉണ്ടായത്. അപകടത്തിൽ ഒരാളുടെ കാലിന് പരുക്കേറ്റു. ആനയെ കണ്ട് ഓടുന്നതിനിടെയാണ് വീണ് പരുക്കേറ്റത്. ഇയാളുടെ പരുക്ക് ഗുരുതരമല്ല.
സിങ്കുകണ്ടത്ത് ഒന്നര ഏക്കറോളം കൃഷി ആന നശിപ്പിച്ചു. പാലക്കാട് അട്ടപ്പാടിയിലും കാട്ടാനയുടെ ആക്രമണമുണ്ടായി. ഓടിക്കൊണ്ടിരുന്ന ജീപ്പിന് നേരെ പാഞ്ഞടുത്ത കാട്ടാന ജീപ്പ് മറിച്ചിട്ടു.
അപകടത്തിൽ ഡ്രൈവര്‍ ഉള്‍പ്പടെ മൂന്ന് പേര്‍ക്ക് പരുക്കേറ്റു. സ്വകാര്യ റിസോര്‍ട്ടിലൂടെ ആനകള്‍ നടക്കുന്ന ദൃശ്യങ്ങള്‍ പുറത്തുവന്നിട്ടുണ്ട്.
About Post Author
