കോട്ടയം : കോട്ടയത്ത് ഇടിമിന്നലേറ്റ് രണ്ടുപേർ മരിച്ചു. കോട്ടയം മുണ്ടക്കയം കാപ്പിലാമൂടിലാണ് സംഭവം. മുണ്ടക്കയം പന്ത്രണ്ടാം വാർഡ് സ്വദേശികളായ സുനിൽ കപ്പയിൽ വീട് (48) സുനിലിന്റെ സഹോദരി ഭർത്താവ് രമേഷ് നടുവിനൽ വീട് (43) എന്നിവരാണ് മരണപ്പെട്ടത്.
വൈകീട്ട് അഞ്ചേകാല്‍ മണിയോടെയാണ് സംഭവം. മുണ്ടക്കയം പഞ്ചായത്ത് 12-ാം വാര്‍ഡിലെ താമസക്കാരായ ബന്ധുക്കള്‍ക്കാണ് അപകടം സംഭവിച്ചത്. വസ്തു അളക്കുന്നതുമായി ബന്ധപ്പെട്ട പ്രവര്‍ത്തനങ്ങള്‍ ചെയ്യുന്നതിനിടെയാണ് ഇരുവര്‍ക്കും ഇടിമിന്നലേറ്റത് എന്നാണ് പൊലീസ് പറയുന്നത്.
ഇരുവരും തത്ക്ഷണം ബോധരഹിതരാവുകയും അവിടെ വച്ച് തന്നെ ഇരുവര്‍ക്കും മരണം സംഭവിക്കുകയും ചെയ്തു.
About Post Author
