തൃശൂർ: ട്രെയിനില്‍ കടത്താന്‍ ശ്രമിച്ച 279 കുപ്പി മദ്യവുമായി യുവതിയെ തൃശൂര്‍ ആര്‍പിഎഎഫ് അറസ്റ്റ് ചെയ്തു. 27,000 രൂപ വിലമതിക്കുന്ന മദ്യമാണ് പിടികൂടിയത്.
സംഭവത്തിൽ ആന്ധ്രാപ്രദേശ് വിജയവാഡ സ്വദേശി ശ്രാവണി(22) ആണ് പിടിയിലായത്. ഗോവയില്‍ നിന്നും കൊണ്ട് വന്ന മദ്യമാണ് പിടികൂടിയത്.
ഗോവയില്‍ നിന്നും തൃശൂരിലേയ്ക്ക് വില്പനക്കായി കൊണ്ടു വരുന്നുണ്ടെന്ന് ലഭ്യമായ രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് മദ്യം പിടികൂടിയത്.
തൃശൂര്‍ ആര്‍പിഎഫ് ഇന്‍സ്‌പെക്ടര്‍ അജയ്കുമാറിന്റെ നേതൃത്വത്തിലുള്ള സംഘമാണ് പരിശോധന നടത്തിയത്. ബാഗില്‍ ഒളിപ്പിച്ചാണ് മദ്യം കൊണ്ടുവന്നിരുന്നത്.
750 മില്ലി ലിറ്ററിന്‍റെ 77 കുപ്പിയും 90 മില്ലി ലിറ്ററിന്‍റെ 202 ബോട്ടിലുകളുമാണ് പിടിച്ചെടുത്തത്.
About Post Author
