കൊച്ചി: സംസ്ഥാനത്ത് കുതിച്ചുയർന്ന് സ്വർണവില. ഇന്ന് പവന് 1200 രൂപ കൂടി 44,240 രൂപയാണ് ഒരു പവൻ സ്വർണത്തിന്റെ വില.
ഗ്രാമിന് 150 രൂപ വർദ്ധിച്ച് 5530 രൂപയായി. ചരിത്രത്തിൽ ആദ്യമായാണ് സ്വർണവിലയിൽ ഒരു ദിവസം ഒറ്റത്തവണ ഇത്രയധികം വർധനവുണ്ടാകുന്നത്.
ഇന്നലെയായിരുന്നു കേരളത്തിൽ സ്വർണവില റെക്കോർഡ് ഭേദിച്ചത്. ഇന്നലെ ഗ്രാമിന് 200 രൂപ വർധിച്ച്, 5380 രൂപയിലാണ് വ്യാപാരം നടന്നിരുന്നത്. പവന് 43,040 രൂപയുമായിരുന്നു ഇന്നലത്തെ വില.
സർവകാല റെക്കോർഡിലാണ് സ്വർണവില ഇപ്പോൾ എത്തിനിൽക്കുന്നത്. അന്താരാഷ്ട്ര വിപണിയിൽ ഡോളറിന് 1989 രൂപയായി.രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്.
ഡോളർ-രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണത്തെ സ്വാധീനിക്കുന്ന ഘടകങ്ങളാണ്. നിലവിൽ ലോകത്തിലെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ.
സ്വർണത്തിൻറെ മൂല്യം നാൾക്കുനാൾ ഉയർന്നുകൊണ്ടിരിക്കുകയാണ്. 2008 മുതൽ കൃത്യമായി പറഞ്ഞാൽ ലോകത്തെ പിടിച്ചുകുലുക്കിയ ആഗോള സാമ്പത്തികമാന്ദ്യത്തിനു ശേഷമാണ് നിക്ഷേപകരുടെ നോട്ടം സ്വർണത്തിൽ പതിഞ്ഞത്.
About Post Author
