വയനാട്: സുൽത്താൻ ബത്തേരിയിൽ വാഹനാപകടം അന്വേഷിക്കാനെത്തിയ പൊലീസുകാർക്ക് നേരെ ആക്രമണം. മൂന്നംഗ സംഘമാണ് ആക്രമണം നടത്തിയത്. ബത്തേരിയിൽ വെച്ച് കാറുകൾ തമ്മിൽ കൂട്ടിയിടിച്ചതിനെ തുടർന്നുണ്ടായ വഴക്ക് തീർക്കുന്നതിന് വേണ്ടി പോലീസ് എത്തിയപ്പോഴാണ് പോലീസിന് നേരെ പ്രതികൾ ആക്രമം അഴിച്ചുവിട്ടത്.
ആക്രമണത്തിൽ എഎസ്ഐക്കും ഡ്രൈവർക്കും പരിക്കേട്ടിട്ടുണ്ട്. പൊലീസ് വാഹനത്തിന്‍റെ ചില്ലുകള്‍ പ്രതികൾ തകർത്തു. ഇന്നലെ രാത്രി ബീനാച്ചി പൂതിക്കാട് ജംഗ്ഷനിൽ വെച്ചായിരുന്നു സംഭവം നടന്നത്.
ബത്തേരി മന്തണ്ടികുന്ന് സ്വദേശികളായ രഞ്ജു, കിരൺ ജോയി, ധനുഷ് എന്നിവരെ പൊലിസ് അറസ്റ്റ് ചെയ്തു. പ്രതികൾ മദ്യ ലഹരിയിലായിരുന്നുവെന്നും പ്രതികളെ ഉടൻ റിമാൻഡ് ചെയ്യുന്നതടക്കമുള്ള നടപടികളിലേക്ക് ഉടൻ നീങ്ങും എന്നും പോലീസ് അറിയിച്ചു.
About Post Author
