ബാംഗ്ലൂര് നഗരത്തിന് ഏറ്റവുമടുത്തുള്ള ദേശീയോദ്യാനമാണ് പ്രശസ്തമായ ബനാര്ഗട്ട ദേശീയോദ്യാനം. ബാംഗ്ലൂരിലെ പ്രധാന വിനോദസഞ്ചാര കേന്ദ്രങ്ങളുടെ പട്ടികയില് മുന്നില് തന്നെയുള്ള സ്ഥലമാണിത്. ബാംഗ്ലൂരിന്റെ ദക്ഷിണമേഖലയിലാണ് ഈ നാഷണല് പാര്ക്ക് സ്ഥിതി ചെയ്യുന്നത്. 1978ലാണ് ദേശീയോദ്യാനം എന്ന പദവി ലഭിച്ചത്. 25,000 ഏക്കറില് പരന്നു കിടക്കുന്ന ഈ ദേശീയോദ്യാനത്തില് മൃഗശാല, ചിത്രശലഭ പാര്ക്ക്, ബയോളജിക്കല് പാര്ക്ക് എന്നിവയാണ് പ്രധാന ആകര്ഷണം. ഇന്ത്യന് പുള്ളിപ്പുലി, കരടി, കാട്ടുപോത്ത്, മാനുകള്, മുള്ളന്പന്നി, സിംഹം, കടുവ, മുതല, പാമ്പ് തുടങ്ങിയവ ബണാര്ഗട്ടയില് കാണാം.
പ്രവേശന സമയം- രാവിലെ 9.30 മുതല് വൈകുന്നേരം 5.30 വരെ.
ടിക്കറ്റ് നിരക്ക്- മുതിര്ന്നവര്ക്ക് 80 രൂപ, കുട്ടികള്ക്ക് 40 രൂപ, മുതിര്ന്ന പൗരന്മാര്ക്ക് 40 രൂപ.
ബസ് സഫാരി- എസി-500 രൂപ, നോണ് എസി- 200 രൂപ.
ജീപ് സഫാരി- ഒരാള്ക്ക് 2500 രൂപ (പരമാവധി 4 പേര്)
ബോട്ടിംഗ്- 60രൂപ
ഗ്രാന്റ് സവാരി- രാവിലെ പത്തു മുതല് 4.30 വരെ.
ടിക്കറ്റ് നിരക്ക്- മുതിര്ന്നവര്ക്ക് 260 രൂപ, കുട്ടികള്ക്ക് 130 രൂപ