തീയേറ്റർ, ഒടിടി റിലീസുകളുടെ പെരുമഴയാണ് ജൂൺ 17ന്. വാശി, ഹെവൻ, പ്രകാശൻ പറക്കട്ടെ, വിഡ്ഡികളുടെ മാഷ് എന്നീ മലയാളം സിനിമകളുടെ റിലീസിനോടൊപ്പം അന്യഭാഷ ചിത്രങ്ങളായ സുഴൽ, ഒ2, നികമ്മ, വിരാടപർവ്വം, വീട്ട്ലാ വിശേഷം തുടങ്ങിയവയും റിലീസ് ചെയ്യുന്നുണ്ട്.
ടൊവിനോയും കീർത്തി സുരേഷും പ്രധാനവേഷത്തിലെത്തുന്ന ചിത്രമാണ് വാശി. വിഷ്ണു ജി രാഘവ് സംവിധാനം ചെയ്യുന്ന ചിത്രം പ്രഖ്യാപനം മുതൽക്കു തന്നെ വാർത്തകളിലിടം നേടിയിരുന്നു. ചിത്രത്തിൽ അഭിഭാഷകരായാണ് കീർത്തിയും ടൊവിനോയും എത്തുന്നത്. കീർത്തിയുടെ അച്ഛൻ സുരേഷ് കുമാർ ആണ് ചിത്രം നിർമ്മിക്കുന്നത്. അച്ഛൻ നിർമ്മിക്കുന്ന ചിത്രത്തിൽ ആദ്യമായാണ് കീർത്തി അഭിനയിക്കുന്നത്.
സൂരാജ് വെഞ്ഞാറമൂടിനെ കേന്ദ്ര കഥാപാത്രമാക്കി ഉണ്ണി ഗോവിന്ദ് രാജ് സംവിധാനം ചെയ്യുന്ന “ഹെവൻ ” ജൂൺ പതിനേഴിന് മൂവീസ് നെസ്റ്റ് പ്രദർശനത്തിനെത്തിക്കുന്നു. ദീപക് പറമ്പോൾ, സുദേവ് നായർ, സുധീഷ്, അലൻസിയാർ, പത്മരാജ് രതീഷ്, ജാഫർ ഇടുക്കി, ചെമ്പിൽ അശോകൻ, ശ്രുതി ജയൻ,വിനയ പ്രസാദ്,
ആശാ അരവിന്ദ്,രശ്മി ബോബൻ,അഭിജ ശിവകല,ശ്രീജ,മീര നായർ,മഞ്ജു പത്രോസ്,ഗംഗാ നായർ തുടങ്ങിയവരാണ് മറ്റു പ്രമുഖ താരങ്ങൾ.
ദിലീഷ് പോത്തൻ, മാത്യു തോമസ് അജു വർഗീസ്, സൈജുകുറുപ്പ്, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി ഷഹദ് സംവിധാനം ചെയ്യുന്ന ” പ്രകാശൻ പറക്കട്ടെ ” ജൂൺ 17-ന്
ഫന്റാസ്റ്റിക് ഫിലിംസ് റിലീസ് ” “തിയ്യേറ്ററിലെത്തിക്കുന്നു. പുതുമുഖം മാളവിക മനോജാണ് നായിക.
ഫന്റാസ്റ്റിക് ഫിലിംസ്,ഹിറ്റ് മേക്കേഴ്സ് എന്റര്ടെെയ്മെന്റ് എന്നീ ബാനറിൽ വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ കഥ തിരക്കഥ സംഭാഷണം ധ്യാന് ശ്രീനിവാസന് എഴുതുന്നു. മനു മഞ്ജിത്,ബി കെ ഹരിനാരായണൻ എന്നിവരുടെ വരികൾക്ക് ഷാൻ റഹ്മാൻ സംഗീതം പകരുന്നു.