മലയാളത്തിൻ്റെ മെഗാസ്റ്റാര് മമ്മൂട്ടിക്ക് 369 എന്ന നമ്പറിനോടുള്ള താൽപര്യം എല്ലാവർക്കും അറിയാവുന്ന കാര്യമാണ്. മമ്മൂട്ടിയുടെ വാഹനങ്ങള്ക്കെല്ലാം 369 എന്ന നമ്പറാണ് ഉള്ളത്. വാഹനങ്ങൾക്ക് ഈ ഫാന്സി നമ്പര് മെഗാസ്റ്റാര് സ്വന്തമാക്കുന്നത് ലക്ഷങ്ങള് ചെലവഴിച്ചാണ് . പക്ഷേ ഇപ്പോൾ മമ്മൂട്ടിയുടെ വീട്ടുനമ്പറാണ് സോഷ്യല് മീഡിയയില് വൈറലാകുന്നത്.
തൃക്കാക്കര നിയമസഭ മണ്ഡലത്തിലാണ് മമ്മൂട്ടിക്ക് വോട്ടുള്ളത്. ഇന്ന് വോട്ട് ചെയ്യാന് മമ്മൂട്ടി പോളിംഗ് ബൂത്തിൽ എത്തിയിരുന്നു. ലിസ്റ്റില് മുഹമ്മദ് കുട്ടി പിഐ എന്നാണ് മമ്മൂട്ടിയുടെ പേര്. വീട്ടുനമ്പര് 53/369 എന്നും.
മമ്മൂട്ടിയുടെ വീട്ടുനമ്പര് അദ്ദേഹത്തിനു ഇഷ്ടപ്പെട്ട 369 ആയത് എങ്ങനെ? ഇതുകണ്ട് ആശ്ചര്യപ്പെടുകയാണ് ആരാധകർ. വാഹനങ്ങളുടെ നമ്പർ പോലെ ഇതും ലക്ഷങ്ങള് കൊടുത്ത് സ്വന്തമാക്കിയതാണോ എന്നാണ് ആരാധകര് ചോദിക്കുന്നത്.