‘ഹൃദയ’ത്തിന് ശേഷം പ്രണവ് മോഹന്‍ലാല്‍ കല്യാണി പ്രിയദര്‍ശന്‍ വീണ്ടും ഒന്നിക്കുന്നുവെന്ന് റിപ്പോര്‍ട്ട്. ഹൃദയത്തിന്റെ കലാ സംവിധായകന്‍ പ്രശാന്ത് അമരവിള പങ്കുവച്ച ചിത്രവും ക്യാപ്ഷനുമാണ് ഇപ്പോൾ സോഷ്യൽ മീഡിയയിൽ ഉൾപ്പടെ ചര്‍ച്ചയായിരിക്കുന്നത്. ഇരുവര്‍ക്കും ഒപ്പമുള്ള ചിത്രം പങ്കുവച്ച് ‘വീണ്ടും ഒരുമിക്കാന്‍ പോകുന്നു’ എന്നാണ് അദ്ദേഹം കുറിച്ചത്.
ചിത്രം സാമൂഹിക മാധ്യമങ്ങളില്‍ വൈറലായിക്കഴിഞ്ഞു. പ്രണവുമായാണോ അതോ വിനീത് ശ്രീനുവാസനുമായാണോ ഒന്നിക്കുന്നത്, കാത്തിരിക്കുകയാണ് എന്ന കമന്റുകളാണ് ആരാധകരില്‍ നിന്നും ഉണ്ടാകുന്നത്. അഞ്ജലി മേനോന്‍ ചിത്രത്തില്‍ പ്രണവും കല്യാണിയും വീണ്ടും ഒന്നിക്കുന്നവെന്ന തരത്തില്‍ ചര്‍ച്ചകള്‍ നിലനിന്നിരുന്നു. ആ സിനിമയാണോയെന്നും ചോദ്യങ്ങള്‍ ഉയരുന്നുണ്ട്.
മരക്കാര്‍ അറബിക്കടലിന്റെ സിംഹ’ത്തിലാണ് ഇരുവരും ആദ്യമായി ഒന്നിച്ചത്. ഏതാനും മിനിറ്റുകള്‍ മാത്രമാണ് ഇരുവരും ഒരുമിച്ച് സ്‌ക്രീനില്‍ പ്രത്യക്ഷപ്പെട്ടിരുന്നതെങ്കിലും ഇരുവരുടെയും കെമിസ്ട്രി പ്രേക്ഷകര്‍ ഏറ്റെടുത്തിരുന്നു. പിന്നീട് വിനീത് ശ്രീനിവാസന്‍ ചിത്രം ഹൃദയത്തിന് ശേഷം ഇരുവരുടെയും കോമ്പോയ്ക്ക് ആരാധകര്‍ ഏറെയായി. ഇവര്‍ വീണ്ടും ഒന്നിക്കുന്നുവെന്ന ചര്‍ച്ചകള്‍ പുരോഗമിക്കുമ്പോള്‍ പ്രതീക്ഷയിലാണ് ആരാധകരും
സംസ്ഥാന ചലച്ചിത്ര പുരസ്‌കാരത്തിന്‍ ജനപ്രിയ സിനിമയ്ക്കുള്ള പുരസ്‌കാരം ഹൃദയത്തിനാണ് ലഭിച്ചത്. ദര്‍ശന രാജേന്ദ്രനാണ് ചിത്രത്തില്‍ മറ്റൊരു പ്രധാന കഥാപാത്രത്തെ അവതരിപ്പിച്ചത്. അരുണ്‍ നീലകണ്ഠന്‍ എന്ന യുവാവിന്റെ 17 മുതല്‍ 30 വയസ് വരെയുള്ള ജീവിത ഘട്ടമാണ് ചിത്രം.സിനിമയുടെ തിരക്കഥയും വിനീത് ശ്രീനിവാസന്റേതാണ്. മെറിലാന്റ് സിനിമാസിന്റെ ബാനറില്‍ വിശാഖ് സുബ്രമണ്യം ആണ് ചിത്രത്തിന്റെ നിര്‍മ്മാണം.
About Post Author
