കൊച്ചി: തിയറ്ററിലെ വിജയത്തിന് ശേഷം ഒടിടിയില്‍ എത്തിയ പൃഥ്വിരാജ് സുരാജ് വെഞ്ഞാറന്മാൂട് പടം ‘ജന ഗണ മന’ നെറ്റ്ഫ്ലിക്സില്‍ ട്രെന്‍റിംഗില്‍ ഒന്നാം സ്ഥാനത്ത്. ചിത്രത്തിന്റെ നിര്‍മ്മാതാക്കളായ പൃഥ്വിരാജ് പ്രൊഡക്ഷന്‍സ് സോഷ്യല്‍ മീഡിയ പേജിലൂടെയാണ് ഇക്കാര്യം അറിയിച്ചത്. ‘ഞങ്ങള്‍ ഒരു ഇന്ത്യന്‍ സിനിമ വാഗ്ദാനം ചെയ്യുന്നുവെന്ന് കുറിച്ചാണ് ഇവര്‍ ചിത്രത്തിന്റെ പോസ്റ്ററും പങ്കുവച്ചത്.
പൃഥ്വിരാജിനെ നായകനാക്കി ഡിജോ ജോസ് ആന്‍റണി സംവിധാനം ചെയ്‍ത ജന ഗണ മന ജൂണ്‍ 2നാണ് നെറ്റ്ഫ്ലിക്സിലൂടെ പ്രദര്‍ശനം ആരംഭിച്ചത്. മലയാളത്തിനൊപ്പം തെലുങ്ക്, തമിഴ്, കന്നഡ ഭാഷകളിലാണ് ചിത്രം എത്തിയിരിക്കുന്നത്. അര്‍ധരാത്രിക്കു ശേഷമാണ് നെറ്റ്ഫ്ലിക്സ് ചിത്രം റിലീസ് ചെയ്‍തത്.
മലയാളത്തില്‍ ഈ വര്‍ഷം ശ്രദ്ധേയ വിജയം നേടിയ ചിത്രങ്ങളുടെ കൂട്ടത്തിലാണ് ജന ഗണ മന. രാജ്യത്തെ സമകാലിക രാഷ്ട്രീയ, സാമൂഹിക സാഹചര്യങ്ങളെ വിമര്‍ശനാത്മകമായി സമീപിച്ച ചിത്രത്തിന് മികച്ച മൌത്ത് പബ്ലിസിറ്റിയാണ് ആദ്യ വാരം മുതല്‍ ലഭിച്ചത്. ബോക്സ് ഓഫീസിലും മികച്ച പ്രകടനം നടത്താന്‍ സാധിച്ചു. ഏപ്രില്‍ 28ന് തിയറ്ററുകളിലെത്തിയ ചിത്രം 26 ദിവസങ്ങളില്‍ 50 കോടിയാണ് നേടിയത്.
അഭിമാനാര്‍ഹമായ നേട്ടമാണിത്
