മലപ്പുറം: അനധികൃത മൽസ്യബന്ധനം കണ്ടെത്താൻ മലപ്പുറത്തെ ഹാർബറുകളിൽ പരിശോധന. താനൂർ ഹാർബറിൽ നിന്ന് ഫിഷറീസ് വകുപ്പ് മൽസ്യങ്ങൾ പിടികൂടി നശിപ്പിച്ചു. ട്രോളിംഗ് നിരോധനം ലംഘിച്ചാണ് മീൻ പിടിച്ചതെന്ന് ഫിഷറീസ് വകുപ്പ് അറിയിച്ചു.
സര്ക്കാരും ഫിഷറീസ് വകുപ്പും ഏര്പ്പെടുത്തിയ നിരോധനം മറികടന്നാണ് ഈ മല്സ്യ ബന്ധനം നടത്തുന്നത്. ഇതിനെതിരെ തീര മേഖലകളില് പ്രതിഷേധം ശക്തമാണ്. ട്രോളിംഗ് നിരോധന കാലയളവില് ഇത്തരം ചെറുമല്സ്യങ്ങളെ പിടികൂടുന്നത് മല്സ്യ സമ്പത്തിനെ കാര്യമായി ബാധിക്കുമെന്ന ആശങ്കയും ഉയരുന്നുണ്ട്.
കടലില് മല്സ്യ സമ്പത്ത് വര്ധിപ്പിക്കുന്നതിന്റെ ഭാഗമായാണ് ട്രോളിംഗ് നിരോധനം ഏര്പ്പെടുത്തിയത്. യന്ത്രവല്കൃത ബോട്ടുകള്ക്കും വള്ളങ്ങള്ക്കുമാണ് നിരോധനം.
അതേസമയം പരമ്പരാഗത വള്ളങ്ങള്ക്ക് മാത്രമായി മല്സ്യ ബന്ധനത്തിന് അനുമതി നല്കിയിരുന്നു. എന്നാല് ഈ രീതിയില് ചെറുമല്സ്യ ങ്ങളെ കൂടുതലായി ഇപ്പോള് പിടിച്ചാല് ട്രോളിംഗ് നിരോധനം കഴിയുമ്പോൾ കടലില് വലിയ മീനുകളൊന്നും ഇല്ലാത്ത സ്ഥിതിയാകുമെന്ന് മല്സ്യ തൊഴിലാളികള് ചൂണ്ടിക്കാട്ടുന്നു.