പോലീസ് ചമഞ്ഞ് 20കാരിയെ പീഡിപ്പിക്കാൻ ശ്രമിച്ച സംഭവത്തിൽ യുവാക്കൾ പോലീസ് പിടിയിലായി. വല്ലപ്പുഴ സ്വദേശി അബ്ദുൾ വഹാബ്, മട്ടാഞ്ചേരി സ്വദേശി സജു കെ സമദ്, തൃശൂർ സ്വദേശി മുഹമ്മദ് ഫാസിൽ എന്നിവരെയാണ് കഴിഞ്ഞ ദിവസം തൃത്താല പൊലീസ് വിവിധ ഇടങ്ങളിൽ നിന്നായി പിടികൂടിയത്.
പട്ടാമ്പി പാലത്തിനു സമീപത്തെ ലോഡ്ജിൽ താമസിച്ചു വരികയായിരുന്ന കൊല്ലങ്കോട് സ്വദേശിനിയായ 20വയസുകാരിയെയാണ് പോലീസ് ചമഞ്ഞ് 5 അംഗ സംഗം പീഡിപ്പിക്കാൻ ശ്രമിച്ചത്.
പാലക്കാട് കൊല്ലങ്കോട് സ്വദേശിനിയായ 20 കാരി ആൺസുഹൃതിനൊപ്പം മെയ് 2 നാണ് പട്ടാമ്പിയിലെ സ്വകാര്യ ലോഡ്ജിൽ താമസത്തിനെതുന്നത്. മെയ് നാലിന് തൊട്ടടുത്ത റോമിൽ താമസിച്ചിരുന്ന 5 അംഗ സംഗമാണ് പൊലീസ് ആണെന്ന് പറഞ്ഞ് യുവതിയെയും യുവാവിനെയും പോലീസാണ് എന്ന് പറഞ്ഞു ഭീഷണിപ്പെടുത്തി പണം ആവശ്യപ്പെട്ടത്. ഈ സംഘം പെൺകുട്ടിയെ മാനഭംഗപെടുത്താൻ ശ്രമിക്കുകയും തട്ടിക്കൊണ്ട് പോകാൻ ശ്രമിക്കുകയുമായിരുന്നു. സംഭവത്തിൽ യുവതി തൃത്താല പോലീസിൽ പരാതി നൽകി.
പൊലീസ് ചമഞ്ഞ് പണം തട്ടാൻ ശ്രമം, മാനഭംഗപെടുത്താൻ ശ്രമം, തട്ടിക്കൊണ്ട് പോകാൻ ശ്രമം എന്നീ വകുപ്പുകൾ പ്രകാരം 5 പേർക്കെതിരെ തൃത്താല പൊലീസ് കേസെടുത്തു. പെൺകുട്ടി പട്ടികജാതി വിഭാഗത്തിൽ പെട്ടെതിനാൽ ഷൊർണൂർ ഡിവൈഎസ്പി വി സുരേഷിനാണ് അന്വേഷണ ചുമതല. പ്രതികളെ നടപടികൾക്ക് ശേഷം റിമാൻഡ് ചെയ്തു. മറ്റു രണ്ട് പ്രതികൾക്കായി അന്വേഷണം തുടരുകയാണ് എന്ന് ഷൊർണൂർ ഡിവൈഎസ്പി വി സുരേഷ് പറഞ്ഞു.
