ഗുരുവായൂർ: ‘ഥാർ’ ജീപ്പ് പുനർലേലം ചെയ്യണമെന്ന ദേവസ്വം കമ്മീഷണറുടെ ഉത്തരവിനെതിരെ കോടതിയെ സമീപിക്കുമെന്ന് വാഹനം ലേലത്തിലെടുത്ത അമൽ.
എല്ലാ നിയമങ്ങളും പാലിച്ചാണ് ഥാർ ലേലത്തിൽ എടുത്തതെന്നും പുനർലേലം അംഗീകരിക്കില്ലെന്നും ഇതിനെതിരെ കോടതിയെ സമീപിക്കുമെന്നും അമൽ പ്രതികരിച്ചു.
ദേവസ്വത്തിന്റേത് പക്ഷപാതപരമായ തീരുമാനമാണ്. വിഷയത്തിൽ അഭിഭാഷകരുമായി കൂടിയാലോചിച്ച് തുടർ നടപടി തീരുമാനിക്കുമെന്നും അദ്ദേഹം അറിയിച്ചു.
മഹീന്ദ്ര കമ്പനി ഗുരുവായൂർ ക്ഷേത്രത്തിൽ വഴിപാടായി സമർപ്പിച്ച ‘ഥാർ’ ജീപ്പ് പുനർലേലം ചെയ്യണമെന്ന ദേവസ്വം കമ്മീഷണറുടെ ഉത്തരവ് നടപ്പാക്കാൻ ദേവസ്വം ഭരണ സമിതി യോഗം കഴിഞ്ഞ ദിവസം തീരുമാനിക്കുകയായിരുന്നു. ഇതിനെതിരെയാണ് വാഹനയുടമ രംഗത്തെത്തിയിരിക്കുന്നത്.
