മക്ക: ഇന്ന് (ശനിയാഴ്ച) ഉച്ചയ്ക്ക് സൂര്യൻ വിശുദ്ധ കഅ്ബയുടെ നേരെ മുകളിൽ എത്തും. ഉച്ചക്ക് 12:18 നാണ് സൂര്യൻ കഅ്ബക്കു നേർ മുകളിലെത്തുമെന്ന് ജിദ്ദയിലെ ആസ്ട്രോണമിക്കൽ സൊസൈറ്റി അറിയിച്ചു.
സൂര്യൻ നേർ മുകളിൽ ആകുമെന്നതിനാൽ വിശുദ്ധ കഅ്ബക്കു ഈ സമയത്ത് നിഴൽ ഉണ്ടാകില്ല.
സൂര്യന്റെ പരമാവധി ഉയരം ഏകദേശം 90 ഡിഗ്രിയിലായിരിക്കുമെന്നും ഈ സമയത്ത് കഅ്ബയുടെ നിഴൽ പൂർണമായും അപ്രത്യക്ഷമാകുമെന്നും സൊസൈറ്റി അറിയിച്ചു. ഈ വർഷം ആദ്യമായാണ് സൂര്യൻ കഅ്ബക്കു നേർ ലംബമായി വരുന്നത്.
ഇതേ അവസ്ഥയിൽ സൂര്യൻ ഏകദേശം അര മിനിറ്റ് നേരം നിലകൊള്ളും. അടുത്ത ദുൽഹജ്ജ് 16 വെള്ളിയാഴ്ച ഉച്ച 12:27 ന് ഈ പ്രതിഭാസം ആവർത്തിക്കുമെന്നും ആസ്ട്രോണമിക്കൽ സൊസൈറ്റി കൂട്ടിച്ചേർത്തു.
About Post Author
