അലറി വിളിച്ച് തെറിപറയുന്ന ബാബുവിന്റെ വീഡിയോ ; പ്രതികരണവുമായി മാതാവ് രംഗത്ത്..

Spread the love

പാലക്കാട്: പാലക്കാട് ചെറാട് കുമ്പാച്ചി മലയിലെ പാറയിടുക്കിൽ കുടുങ്ങി സൈന്യം രക്ഷിച്ച ബാബുവിന്റെ പുതിയ വിഡിയോ വൈറലായതിന് പിന്നാലെ പ്രതികരണവുമായി ബാബുവിന്റെ മാതാവ് രംഗത്ത്.

അലറിവിളിച്ച് അസഭ്യം പറഞ്ഞ് അക്രമാസക്തനായ നിലയിലുള്ള വിഡിയോ ആണ് പുറത്തുവന്നിരിക്കുന്നത്. മാതാവും കൂട്ടുകാരും ചേർന്ന് പിടിച്ചുവെക്കാൻ ശ്രമിച്ചിട്ടും കുതറിയോടി മണ്ണിൽ കിടന്നുരുളുന്ന ബാബു കൂട്ടുകാരെ ചവിട്ടുന്നതും ‘എനിക്ക് ചാകണം, ചാകണം’ എന്ന് വിളിച്ചു കൂവുന്നതും വീഡിയോയിൽ കാണാം.

വടിയുമെടുത്ത് മാതാവും തലയിൽ വെള്ളമൊഴിച്ച് കൂട്ടുകാരും അനുനയിപ്പിക്കാൻ ശ്രമിക്കുന്നുണ്ട്. കഞ്ചാവ് പോലുള്ള മയക്കുമരുന്ന് കഴിച്ചിട്ടാണ് ബാബു ഇത്തരത്തിൽ പെരുമാറുന്നതെന്ന കുറി​പ്പോടെയാണ് ഈ വിഡിയോ പ്രചരിച്ചിരുന്നത്. എന്നാ​ൽ, ഇതിൽ പ്രതികരണവുമായെത്തിയ മാതാവ് ബാബു കഞ്ചാവ് ഉപയോഗിച്ചിട്ടില്ലെന്നും അവൻ കഞ്ചാവ് ഉപയോഗിക്കുന്ന ആളല്ലെന്നും പറയുന്നു. കൂട്ടുകാരനൊപ്പം മദ്യപിച്ചിരുന്നതായും തുടർന്ന് ബഹളം വെച്ചപ്പോൾ അവിടെയുണ്ടായിരുന്നവരോട് പിടിച്ചുവെക്കാൻ പറഞ്ഞതാണെന്നും ഇവർ പറഞ്ഞു.

ഫെബ്രുവരിയിൽ മലയിൽ കുടുങ്ങിയതുമുതൽ അവൻ മാനസികമായി വളരെ ടെൻഷനിലാണ്. പുറത്തിറങ്ങിയാൽ അതേക്കുറിച്ച് തന്നെയാണ് ആളുകളുടെ ചോദ്യം. സംഭവ ദിവസം മദ്യപിച്ച് സഹോദരനുമായി വഴക്കിട്ടപ്പോൾ ഞാൻ വഴക്കു പറയുകയും വടിയെടുത്ത് അവനെ രണ്ടുമൂന്ന് അടി അടിക്കുകയും ചെയ്തു. പിന്നാലെ ബാബു അടുത്തുള്ള കരിങ്കൽ ക്വാറിയിലേക്ക് പോയി. ക്വാറിയിൽ ചാടി മരിക്കുമോ എന്ന് ഭയന്ന് ഞാൻ പുറകേ ചെന്നു. അവിടെയുണ്ടായിരുന്നവരോട് പിടിച്ചുവെക്കാൻ പറഞ്ഞപ്പോൾ അവരെ തെറിപറഞ്ഞു. ഇത് അടിപിടിയായി. ഇതാണ് ചിലർ വിഡിയോ എടുത്തത്. അതല്ലാതെ കഞ്ചാവടിച്ച് ബഹളമുണ്ടാക്കിയതല്ല. അവന് കഞ്ചാവ് എന്താണെന്ന് പോലും അറിയില്ല’ -മാതാവ് പറഞ്ഞു.

കഴിഞ്ഞ ​ഫെബ്രുവരിയിൽ ചെറാട് കുമ്പാച്ചി മലയിലെ പാറയിടുക്കിൽ കുടുങ്ങിയതോടെയാണ് ബാബുവിനെ കുറിച്ച് പുറംലോകമറിഞ്ഞത്. പാറയിടുക്കിൽനിന്ന് 45 മണിക്കൂറുകൾക്ക് ശേഷമാണ് സൈന്യം രക്ഷിച്ചത്. മുക്കാല്‍ കോടിയോളം രൂപയാണ് രക്ഷാപ്രവർത്തനത്തിന് ചെലവ് വന്നത്. സംഭവത്തിൽ വനത്തിൽ അതിക്രമിച്ച് കടന്നതിന് ബാബുവിനെതിരെ വനംവകുപ്പ് കേസ് എടുത്തിരുന്നു. കേരള ഫോറസ്റ്റ് ആക്റ്റ് (27) പ്രകാരം വാളയാർ റെയ്ഞ്ച് ഓഫീസറാണ് കേസ് എടുത്തത്

കൃത്യമായ വാർത്തകൾ കൂടുതൽ കൃത്യതയോടെ..

Related Posts

പ്രവാസികൾ ശ്രദ്ധിക്കുക ; മരുന്നുകൾ കൊണ്ടുവരുന്നവർക്ക് മുന്നറിയിപ്പ്

Spread the love

യാത്രക്കാര്‍ കുറിപ്പടികളില്ലാതെ വിവിധ മരുന്നുകള്‍ രാജ്യത്തേക്ക് കൊണ്ടുവരുന്നതായി ശ്രദ്ധയില്‍പെട്ടിട്ടുണ്ടെന്ന് കഴിഞ്ഞ ദിവസം പുറത്തിറക്കിയ പ്രസ്‍താവനയില്‍ പറയുന്നു.

പൊലീസ് സ്റ്റേഷനിലെത്തി പെട്രോൾ ഒഴിച്ച് ആത്മഹത്യക്ക് ശ്രമിച്ചു ; യുവാവിന് ദാരുണാന്ത്യം

Spread the love

സ്റ്റേഷനിലുണ്ടായിരുന്ന പൊലീസുദ്യോഗസ്ഥരും അഭിഭാഷകരും ഏറെ പരിശ്രമിച്ചാണ് തീ അണച്ചത്. ഗുരുതരമായി പൊള്ളലേറ്റ ഷൈജുവിനെ ഉടൻ തന്നെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരുന്നു.

ചാവക്കാട് നഗരത്തിൽ ജൂൺ ഒന്ന് മുതൽ ഗതാഗത പരിഷ്ക്കരണം; പരീക്ഷണാടിസ്ഥാനത്തിൽ നടപ്പിലാക്കാനാണ് തീരുമാനം.

Spread the love

നഗരത്തിലെ ഗതാഗത കുരുക്ക് പരിഹരിക്കുന്നതിനയുള്ള നിർദ്ദേശങ്ങൾ സമർപ്പിക്കുന്നതിന് തൃശ്ശൂര്‍  ആര്‍.ടി.ഒ എന്‍ഫോഴ്സ്മെന്റ് വിഭാഗത്തെ അറിയിച്ചിരുന്നു.

എസ്എസ്എൽസി പരീക്ഷ ഫലം ഉടൻ..

Spread the love

പരീക്ഷാഫലം ജൂൺ 15 നകം പ്രഖ്യാപിക്കുമെന്ന് വിദ്യാഭ്യാസ വകുപ്പ് മന്ത്രി വി ശിവൻകുട്ടി പറഞ്ഞു. ഇതിനു വേണ്ടിയുള്ള തയ്യാറെടുപ്പുകൾ പൂർത്തിയായതായി മന്ത്രി വ്യക്തമാക്കി

സെൽഫി എടുക്കുന്നതിനിടെ മൂന്ന് പെൺകുട്ടികൾ ആറ്റിൽ വീണു..

Spread the love

Spread the loveകൊല്ലം: കൊല്ലം പത്തനാപുരത്ത് സെൽഫി എടുക്കുന്നതിനിടെ മൂന്ന് പെൺകുട്ടികൾ ആറ്റിൽ അകപ്പെട്ടു. ഇതില്‍ രണ്ടുപേരെ രക്ഷപ്പെടുത്തി. ഒരാളെ കാണാതായി. കുട്ടിയെ കണ്ടെത്താൻ തിരച്ചിൽ തുടരുകയാണ്. ഇന്ന് ഉച്ചയോട് കൂടിയാണ് അപകടമുണ്ടായത്. കല്ലടയാര്‍ തീരത്തേക്ക് സെല്‍ഫിയെടുക്കുന്നതിനായാണ്…

കെജിഎഫ് കണ്ട് റോക്കി ഭായ്‌യെ അനുകരിച്ച 15കാരൻ ആശുപത്രിയിൽ..

Spread the love

ആവേശഭരിതനായി പതിനഞ്ചുകാരൻ സിഗരറ്റ് വലിക്കാൻ തുടങ്ങിയത്. പിന്നീട് തൊണ്ട വേദന, ചുമ ഉൾപ്പെടെയുള്ള ശാരീരിക അസ്വസ്ഥകൾ അനുഭവപ്പെട്ടതോടെ ഹൈദരാബാദിലെ സെഞ്ചുറി ആശുപത്രിയിൽ ചികിത്സ തേടുകയായിരുന്നു.

Leave a Reply

You cannot copy content of this page