ഏറ്റവും ജനപ്രീതിയുള്ള മുഖ്യമന്ത്രിയാര് ; സർവ്വേ ഫലം പുറത്ത്..

Spread the love

ഒരു വര്‍ഷം മുന്‍പ് നിയമസഭാ തെരഞ്ഞെടുപ്പ് നടന്ന കേരളമുള്‍പ്പെടെയുള്ള അഞ്ച് സംസ്ഥാനങ്ങളില്‍ ഏറ്റവും ജനപ്രീതിയുള്ള നേതാവ് എം കെ സ്റ്റാലിനെന്ന് സര്‍വെ. സീ വോട്ടര്‍ സര്‍വെയിലാണ് സ്റ്റാലിന്‍ ജനപ്രീതിയുടെ കാര്യത്തില്‍ മറ്റ് നേതാക്കളെ കടത്തി വെട്ടിയതായുള്ള വിവരങ്ങളുള്ളത്. കേരളം, തമിഴ്‌നാട്, പശ്ചിമ ബംഗാള്‍, പുതുച്ചേരി, അസം എന്നിവിടങ്ങളിലാണ് സര്‍വെ നടത്തിയത്.

കേരള മുഖ്യമന്ത്രി പിണറായി വിജയനും അസം മുഖ്യമന്ത്രി ഹിമന്ത ബിശ്വ ശര്‍മ്മയ്ക്കുമാണ് രണ്ടാം സ്ഥാനം. 41 ശതമാനത്തിലധികം ജനങ്ങളാണ് പിണറായി വിജയന്റെ ഭരണത്തില്‍ തങ്ങള്‍ തൃപ്തരാണെന്ന് അറിയിച്ചത്. മമത ബാനര്‍ജിയെ പിന്തുണയ്ക്കുന്നത് ബംഗാളിലെ 39 ശതമാനം ജനങ്ങളാണ്.

തമിഴ്‌നാട്ടിലെ 85 ശതമാനം പേരും എം കെ സ്റ്റാലിന്റേയും ഡിഎംകെയുടേയും പ്രവര്‍ത്തനങ്ങളില്‍ തൃപ്തരാണെന്ന് സര്‍വെ ഫലം തെളിയിക്കുന്നു. 10 വര്‍ഷത്തോളം പ്രതിപക്ഷത്തിരുന്ന ശേഷം വീണ്ടും അധികാരത്തിലെത്തുന്ന ഡിഎംകെയ്ക്ക് ഒരു വര്‍ഷത്തെ ഭരണത്തിലൂടെ തന്നെ ജനപ്രീതിയാര്‍ജിക്കാന്‍ സാധിച്ചെന്ന് ജനങ്ങള്‍ തന്നെ സാക്ഷ്യപ്പെടുത്തുന്നു.

41 ശതമാനം പേരാണ് സ്റ്റാലിന്‍ സര്‍ക്കാരിന്റെ പ്രകടനം വളരെ മികച്ചതാണെന്ന അഭിപ്രായം പ്രകടിപ്പിച്ചത്. 44 ശതമാനം പേര്‍ സ്റ്റാലിന്‍ ഭരണത്തില്‍ തൃപ്തിയുണ്ടെന്നും പറഞ്ഞു. ഇങ്ങനെ ആകെ 85 ശതമാനം പേരാണ് സ്റ്റാലിന്‍ ഭരണത്തോട് താല്‍പര്യം പ്രകടിപ്പിച്ചിരിക്കുന്നത്.

കഴിഞ്ഞ വര്‍ഷം തെരഞ്ഞെടുപ്പ് നടന്ന സംസ്ഥാനങ്ങളില്‍ പ്രധാനമന്ത്രി നരേന്ദ്രമോദിയുടെ ജനപ്രീതി ഇടിയുന്നുവെന്നതാണ് സര്‍വെ തെളിയിക്കുന്ന മറ്റൊരു സുപ്രധാന കാര്യം. കേന്ദ്രസര്‍ക്കാരിന്റെ പ്രവര്‍ത്തനങ്ങളില്‍ 40 ശതമാനം പേര്‍ അതൃപ്തി രേഖപ്പെടുത്തി. കേന്ദ്രസര്‍ക്കാരിന്റെ പ്രവര്‍ത്തനങ്ങളില്‍ 17 ശതമാനം ആളുകള്‍ക്ക് മാത്രമേ പൂര്‍ണ തൃപ്തിയുള്ളൂ. ഇന്ത്യയുടെ അടുത്ത പ്രധാനമന്ത്രിയാകാന്‍ മോദിയേക്കാള്‍ യോഗ്യത രാഹുല്‍ ഗാന്ധിക്കാണെന്ന് തമിഴ്‌നാട്ടിലെ 54 ശതമാനം പേര്‍ അഭിപ്രായപ്പെട്ടു.

W3Schools.com

Related Posts

തൃശൂരിൽ ആന്ത്രാക്‌സ് രോഗബാധ സ്ഥിരീകരിച്ചു..

Spread the love

ശ്രദ്ധയില്‍പ്പെട്ടാല്‍ ആ സ്ഥലങ്ങളില്‍ ആളുകള്‍ പോകാതിരിക്കാനും അവയുടെ മൃതശരീരങ്ങള്‍ കൈകാര്യം ചെയ്യാതിരിക്കാനും പ്രത്യേകം ശ്രദ്ധിക്കണം.

ഒടുവിൽ തോൽവി സമ്മതിച്ചു ; മുഖ്യമന്ത്രി ഉദ്ധവ് താക്കറെ രാജിവച്ചു..

Spread the love

മഹാരാഷ്ട്രയില്‍ വിശ്വാസവോട്ടെടുപ്പ് നാളെ നടത്തണമെന്ന സുപ്രീം കോടതി ഉത്തരവിന് പിന്നാലെ മുഖ്യമന്ത്രി ഉദ്ധവ് താക്കറെ രാജിവച്ചു

സൗദിയിൽ മാസപ്പിറവി ദൃശ്യമായി ; ബലിപെരുന്നാൾ ജൂലൈ 9ന്..

Spread the love

സൗദിയിൽ മാസപ്പിറവി ദൃശ്യമായതിന്റെ അടിസ്ഥാനത്തിൽ ബലിപെരുന്നാൾ ജൂലൈ 9ന്. അറഫാ ദിനം ജൂലൈ 8ന് ആയിരിക്കും.

ഫേസ്‍ബുക്കിൽ റിക്വസ്റ്റ് നിരസിച്ചതിന് യുവതിയുടെ കുളിമുറി ദൃശ്യങ്ങൾ പരത്തി ; യുവാക്കൾ അറസ്റ്റിൽ..

Spread the love

ഫേസ്ബുക്കിൽ ഫ്രണ്ട് റിക്വസ്റ്റ് നിരസിച്ചതിന് യുവതിയുടെ കുളിമുറി ദൃശ്യങ്ങൾ പകർത്തിയ യുവാക്കൾ അറസ്റ്റിൽ. പത്തനംതിട്ട പുറമറ്റം സ്വദേശികളാണ് കോയിപ്രം പൊലീസിന്റെ പിടിയിലായത്.

പാലക്കാട്ടെ കൊലപാതകം ; ഞെട്ടിപ്പിക്കുന്ന വിവരങ്ങളുമായി പോലീസ്..

Spread the love

പാലക്കാട് മണ്ണാര്‍ക്കാട് പല്ലുതേയ്ക്കാതെ മകനെ ഉമ്മ വച്ചത് ചോദ്യംചെയ്തതിന് ഭാര്യയെ വെട്ടിക്കൊന്ന സംഭവത്തിൽ ഞെട്ടിക്കുന്ന വിവരങ്ങളുമായി പോലീസ്. കൊല്ലപ്പെട്ട ദീപികയുടെ കഴുത്തിലും തലയിലും കയ്യിലുമായി മുപ്പതോളം വെട്ടേറ്റതായി പൊലീസ് പറഞ്ഞു

വിക്രം ഒടിടിയിൽ ഉടൻ ; തിയതി പ്രഖ്യാപിച്ചു..

Spread the love

ബോക്സ് ഓഫീസിൽ വലിയ വിജയമാണ് ‘വിക്രം’ നേടിയത്. ചിത്രത്തില്‍ കമല്‍ഹാസനൊപ്പം മലയാളി താരങ്ങളായ ഫഹദ്, കാളിദാസ് ജയറാം, നരേൻ തുടങ്ങിയവർ അഭിനയിച്ചിരുന്നു

Leave a Reply

You cannot copy content of this page