കൈമ അരി – ഒരു കിലോ
വെള്ളം – അരിയുടെ ഇരട്ടി അളവ്
ഉപ്പ് – പാകത്തിന്
എണ്ണ – പാകത്തിന്
സവാള – ഒരു കിലോ, അരിഞ്ഞത്
കശുവണ്ടിപ്പരിപ്പ്, ഉണക്കമുന്തിരി – 50 ഗ്രാം വീതം
ഇഞ്ചി ചതച്ചത് – ഒരു വലിയ സ്പൂൺ
പച്ചമുളക് – 10, ചതച്ചത്
തക്കാളി – അരക്കിലോ, അരിഞ്ഞത്
മല്ലിയില – അല്‍പം
മഞ്ഞൾപ്പൊടി – ഒരു ചെറിയ സ്പൂൺ
മസാലപ്പൊടി – ഒരു ചെറിയ സ്പൂൺ
തൈര് – അരക്കപ്പ്
നാരങ്ങാനീര് – ഒരു നാരങ്ങയുടേത്
ചെമ്മീൻ തൊണ്ടും നാരും കളഞ്ഞത് – ഒരു കിലോ
തേങ്ങ ചുരണ്ടിയത് – രണ്ടു വലിയ സ്പൂൺ
കശുവണ്ടിപ്പരിപ്പ് – അഞ്ച്
പൈനാപ്പിൾ പൊടിയായി അരിഞ്ഞത് – രണ്ടു വലിയ സ്പൂൺ
തയാറാക്കുന്ന വിധം :
അരി കഴുകി ഊറ്റി വയ്ക്കുക.വെള്ളം ഉപ്പു ചേർത്തു തിളപ്പിച്ച ശേഷം അരി ചേർത്തു വേവിച്ചൂറ്റി വയ്ക്കുക.പാനിൽ എണ്ണ ചൂടാക്കി ഒരു കപ്പു സവാളയും കശുവണ്ടിപ്പരിപ്പും ഉണക്കമുന്തിരിയും വെവ്വേറെ വറുത്തു വയ്ക്കണം.
ബാക്കി സവാള വഴറ്റിയ ശേഷം അഞ്ചാമത്തെ ചേരുവ ചേർത്തു വഴറ്റണം. ഇതിലേക്ക് ആറാമത്തെ ചേരുവ ചേർത്തിളക്കിയ ശേഷം ചെമ്മീനും ചേർത്തിളക്കി വേവിക്കുക.ചെമ്മീൻ വെന്ത ശേഷം കശുവണ്ടിപ്പരിപ്പും തേങ്ങ ചുരണ്ടിയതും യോജിപ്പിച്ചു മയത്തിൽ അരച്ചതു ചേർത്തിളക്കുക.
ഒരു വലിയ പാത്രത്തിൽ ചെമ്മീൻ മസാലയിട്ട് മുകളിൽ പകുതി ചോറ് വിതറുക. ഇതിനു മുകളിൽ കശുവണ്ടിപ്പരിപ്പും ഉണക്കമുന്തിരിയും പൈനാപ്പിളും നിരത്തിയ ശേഷം വീണ്ടും ചോറു നിരത്തുക. മുകളിൽ അര ചെറിയ സ്പൂൺ ഗരംമസാലപ്പൊടി വിതറി ദം ചെയ്തെടുക്കണം.
About Post Author
