തൃശൂർ പൂരത്തിന്റെ ചരിത്രത്തിൽ ആദ്യമായി വെടിക്കെട്ട് ഒരുക്കാൻ ഒരു സ്ത്രീ..

Spread the love

ലോക പ്രശസ്തമായ തൃശ്ശൂർ പൂരവും പൂരത്തിലെ മണിക്കൂറുകൾ നീളുന്ന കരിമരുന്ന് പ്രയോഗവും ഇത്തവണ ചരിത്രത്താളുകളിൽ ഇടംപിടിക്കുന്നത് ഷീനയുടെ പേരിലാകും.

തൃശൂർ പൂരത്തിന്റെ ചരിത്രത്തിൽ ആദ്യമായാണ് ഒരു സ്ത്രീ വെടിക്കെട്ടിന് നേതൃത്വം വഹിക്കാൻ ഒരുങ്ങുന്നത്.

തിരുവമ്പാടി വിഭാഗത്തിനായി വെടിക്കെട്ട് ഒരുക്കുന്നത് വടക്കാഞ്ചേരി കുണ്ടന്നൂർ സ്വദേശി ഷീന സുരേഷ് ആണ്. പൂരത്തിനാവശ്യമുള്ള വെടിക്കോപ്പുകളുടെ നിർമ്മാണം ഇന്ന് മുതൽ തുടങ്ങുകയാണ്.

തൃശ്ശൂർ പൂരത്തിന്റെ ചരിത്രത്തിൽ ആദ്യമായാണ് ഒരു സ്ത്രീക്ക് പെട്രോളിയം ആൻഡ് എക്സ്പ്ലോസീവ്സ് സേഫ്റ്റി ഓർഗനൈസേഷൻ(പെസോ) വെടിക്കെട്ടിന് ഔദ്യോഗിക അനുമതി നൽകുന്നത്.

സാധാരണയായി സ്ത്രീകൾ പടക്കനിർമാണത്തിൽ ഏർപ്പെടാറുള്ളതാണ്. വിവാഹത്തിന് ശേഷമാണ് എന്നാൽ ഈ മേഖലയിലേക്ക് താൻ സജീവമാകുന്നതെന്ന് ഷീന പറഞ്ഞു. വർഷങ്ങളായി പുരുഷന്മാരുടെ പിന്നിൽ നിന്ന് പ്രവർത്തിച്ച വ്യക്തിയാണ് ഷീന. ഇപ്പോഴിതാ ഷീന വെടിക്കെട്ട് മുൻനിരയിൽ നിന്ന് നടത്തുന്നു.

തിരുവമ്പാടി ഇത്തരത്തിലൊരു തീരുമാനം അറിയിച്ചപ്പോൾ വളരെയധികം സന്തേഷം തോന്നിയെന്ന് ഷീന പറഞ്ഞു.

മേയ് പത്തിനാണ് ഈ വർഷത്തെ തൃശ്ശൂർ പൂരം കൊടിയേറുന്നത്.

കുഴിമിന്നി, ഗുണ്ട്, അമിട്ട് തുടങ്ങി വലിയ തയാറെടുപ്പുകളാണ് ഷീന നടത്തുന്നത്. എന്നാൽ മെയ് 10ന് പൂരനാളിൽ ആകാശത്ത് ഷീന എന്ത് വിസ്മയമാകും ഒരുക്കുകയെന്നത് സസ്‌പെൻസാണ്. സാമ്പിളിൽ ഇതിന്റെ മിനി പതിപ്പുണ്ടാകും. മെയ് 8നാണ് സാമ്പിൾ വെടിക്കെട്ട്.

രണ്ട് മക്കളാണ് സുരേഷ്-ഷീന ദമ്പതിമാർക്ക്. മകൻ ശ്യാം സുന്ദർ ഐ.ടി.ഐ. മെക്കാനിക്കൽ കോഴ്സ് ചെയ്യുന്നു. മകൾ നാച്ചുറോപതി വിദ്യാർഥിയാണ്.

Related Posts

ഉറങ്ങാൻ കിടന്ന അച്ഛനെ കുത്തിക്കൊന്ന ശേഷം ആത്മഹത്യയ്ക്ക് ശ്രമിച്ച് മകൻ..

Spread the love

മനോദൗര്‍ബല്യമുള്ള മുഹമ്മദലി, ഏറെ നാളായി അസുഖത്തിനുള്ള ചികിത്സയിലാണ്

വിസ്മയ കേസിൽ വിധി ഇന്ന്..

Spread the love

പ്രതി കിരൺ കുമാറിന് (kiran kumar)പരമാവധി പത്ത് വർഷം വരെ തടവ് ലഭിക്കുമെന്നാണ് വാദി ഭാഗത്തിന്റെ കണക്കുകൂട്ടൽ

കോഴിക്കോട് ടൂറിസ്റ്റ് ബസുകൾ കൂട്ടിയിടിച്ചു; 30 പേർക്ക് പരുക്ക്..

Spread the love

പരുക്കേറ്റവരെ മെഡിക്കൽ കോളജിൽ പ്രവേശിപ്പിച്ചു.

അഞ്ച് മിനുട്ടുകൾക്കിടെ മൂന്ന് ഗോൾ ; ഇംഗ്ലീഷ് പ്രീമിയർ ലീഗ് കിരീടം നേടി മാഞ്ചസ്റ്റർ സിറ്റി..

Spread the love

നാടകീയ നിമിഷങ്ങള്‍ക്കൊടുവില്‍ മാഞ്ചസ്റ്റര്‍ സിറ്റി ഇംഗ്ലീഷ് പ്രീമിയർ ലീഗ് കിരീടം നിലനിര്‍ത്തി. ലീഗിലെ അവസാന മത്സരത്തില്‍ ആസ്റ്റണ്‍ വില്ലയെ രണ്ടിനെതിരെ മൂന്ന് ഗോളിനാണ് സിറ്റി തോല്‍പ്പിച്ചത്

ഗുരുവായൂരിൽ വിദ്യാർത്ഥിയെ മരിച്ച നിലയിൽ കണ്ടെത്തി..

Spread the love

യുവാവിനെ വീടിനുള്ളിൽ മരിച്ച നിലയിൽ കണ്ടെത്തി. കൊച്ചനാംകുളങ്ങര ക്ഷേത്രത്തിന് സമീപം രായിമരക്കാർ വീട്ടിൽ ഷാജിയുടെ മകൻ ഫർഹാൻ(19)നെയാണ് ഇന്ന് വൈകീട്ട് 3 മണിയോടെ വീടിനുള്ളിൽ തൂങ്ങിയ നിലയിൽ കണ്ടെത്തിയത്.

വിദ്യാർത്ഥി കുളത്തിൽ വീണ് മരിച്ചു..

Spread the love

ബന്ധുവായ തുണ്ടത്തിൽ ജയൻ്റെ
വീട്ടിലേക്ക് വിരുന്നിന് പോയത്. വീടിനടുത്തുള്ള ക്ഷേത്രക്കുളത്തിൽ കുളിക്കുന്നതിനിടയിൽ മുങ്ങി മരിക്കുകയായിരുന്നു.

Leave a Reply

You cannot copy content of this page