പത്തനംതിട്ട ചിറ്റാറിലെ കുടംബശ്രീ സിഡി എസ് ചെയർ പേഴ്‌സനാണ് വാട്‌സ് ആപ് ഗ്രൂപ്പിൽ ഡിവൈഎഫ്‌ഐ നടത്തുന്ന സെമിനാറിൽ പങ്കെടുത്തില്ലെങ്കിൽ പിഴ ഈടാക്കുമെന്ന് കുടുംബശ്രീ അംഗങ്ങൾക്ക് ഭീഷണി സന്ദേശം അയച്ചത്.
ലിംഗ പദവിയും ആധുനിക സമൂഹവും എന്ന വിഷയത്തിലാണ് ഡിവൈഎഫ്‌ഐ സെമിനാർ നടത്തുന്നത്.
‘ഇന്ന് ഉച്ചയ്ക്ക് മൂന്ന് മണിക്ക് ചിറ്റാർ ടൗണിൽ വച്ചാണ് സെമിനാർ ഉദ്ഘാടനം. സെറ്റ് സാരിയും മറൂൺ ബ്ലൗസുമാണ് വേഷം. എല്ലാ കുടുംബശ്രീയിൽ നിന്നും അഞ്ച് പേർ വീതം നിർബന്ധമായും വരണം. വരാതിരിക്കരുത്’- വാട്ട്‌സ് ആപ്പ് ഗ്രൂപ്പിലെ ഓഡിയോ സന്ദേശം ഇങ്ങനെ.
രാഷ്ട്രീയമില്ലാത്ത ഒരു സംഘടനയാണ് കുടുംബശ്രീ. അതിൽ വ്യത്യസ്തങ്ങളായ രാഷ്ട്രീയ നിലപാടുള്ള സ്ത്രീകളുണ്ട്. അതുകൊണ്ട് തന്നെ ഡിവൈഎഫ്‌ഐ സെമിനാറിൽ പങ്കെടുക്കാതിരുന്നാൽ പിഴ ഈടാക്കുമെന്ന ഭീഷണിക്കെതിരെ വ്യാപകമായി പരതികൾ ഉയരുന്നു.
എന്നാൽ ഇത്തരത്തിൽ ഒരു സന്ദേശമോ നിർദേശമോ തങ്ങൾ നൽകിയിട്ടില്ലെന്ന് ഡിവൈഎഫ്‌ഐ വ്യക്തമാക്കി. സെമിനാറിൽ പങ്കെടുക്കാൻ ധാരാളം ഡിവൈഎഫ്‌ഐ പ്രവർത്തകരും സിപിഐഎം പ്രവർത്തകരുമുണ്ടെന്ന് ഡിവൈഎഫ്‌ഐ അറിയിച്ചു.
