പല കാറുകളിലും ഇരുചക്ര വാഹനങ്ങൾക്കുമെല്ലാം ഇപ്പോൾ രസകരമായ ഫാൻസി നമ്പറുകൾ ഉണ്ട്. വ്യത്യസ്തമായ ഫോണ്ടുകളിൽ എംബോസ് ചെയ്തിരിക്കുന്ന നമ്പര് ദൂരെ നിന്ന് പോലും തിരിച്ചറിയാനാകും വിധത്തിലാകും ഉണ്ടാവുക. ഒരു ലക്ഷത്തിൽ താഴെ മാത്രം വിലയുള്ള വാഹനത്തിന് ഫാൻസി നമ്പറിനായി 15.44 ലക്ഷം രൂപ മുടക്കിയാൽ അതിനെ എന്ത് വിളിക്കും! ചണ്ഡീഗഡിലാണ് സംഭവം.
ഹോണ്ട ആക്ടീവ ഉയമസ്ഥതയിലുള്ള ഒരാളാണ് സിഎച്ച് 01- സിജെ-0001 എന്ന ഫാൻസി നമ്പറിന് ആണ് ഇത്ര വലിയ വില നൽകിയത്. പുതിയ ആക്ടിവക്ക് നമ്പർ ഉപയോഗിച്ച ശേഷം പിന്നെ കാറിനായി ഉപയോഗിക്കാനായിരിന്നു വാഹന ഉടമയുടെ പദ്ധതി. പ്രമുഖ മാധ്യമം റിപ്പോർട്ട് ചെയ്ത പ്രകാരം വാഹനം വാങ്ങാൻ ആകെ ചെലവ് 71,000 രൂപ മാത്രമാണ്.
ചണ്ഡീഗഡ് രജിസ്ട്രേഷൻ ആൻഡ് ലൈസൻസിംഗ് അതോറിറ്റി ഏപ്രിൽ 14 മുതൽ 16 വരെ സിഎച്ച്01-സിജെ സീരീസിലെ ഫാൻസി നമ്പറുകൾക്കും അവശേഷിക്കുന്ന മറ്റ് നമ്പറുകൾക്കുമായി ഒരു ലേലം നടത്തിയി. 378 ഫാൻസി നമ്പറുകളാണ് ലേലത്തിനുണ്ടായിരുന്നത്. 1.5 കോടി രൂപയാണ്
ലേലത്തിൽ പങ്കെടുത്തവർ മൊത്തം ചെലവഴിച്ചത്. സിഎച്ച്-01-സിജെ-002 എന്ന മേൽ പറഞ്ഞ നമ്പറിനാണ് രണ്ടാമത്തെ വലിയ വില ലഭിച്ചത്. 5.4 ലക്ഷം രൂപയായിരുന്നു അത്.
ഫാൻസി നമ്പറിൻ്റെ വില വാഹനത്തിൻ്റെ വിലയേക്കാൾ വളരെ കൂടുതലാണ് എന്നതാണ് ഇവിടത്തെ കൗതുകം. ആഡംബര വാഹനങ്ങളുടെ ഫാൻസി നമ്പറിനായി വൻതുക ചെലവഴിക്കുന്നവരുമുണ്ട്. 2012-ൽ നടന്ന ലേലത്തിൽ 0001 എന്ന ഫാൻസി നമ്പറിന് ലഭിച്ച ഉയർന്ന ലേല വില 26.05 ലക്ഷം രൂപയായിരുന്നു. പക്ഷേ, ഈ നമ്പർ വാങ്ങിയത് അതിനേക്കാൾ നാലിരട്ടി വിലയുള്ള മെഴ്സിഡസ് എസ്-ക്ലാസ് ബെൻസിനായിരുന്നു.