അന്യ സംസ്ഥാനങ്ങളിലേക്ക് പോകാനും, ടൂർ പോകാനുമെന്ന് തുടങ്ങി കടയിൽ പോകാൻ വരെ വാക്സിൻ സർട്ടിഫിക്കറ്റ് നിർബന്ധമായിരിക്കുന്ന ഈ സമയത്ത് വാക്സിൻ സർട്ടിഫിക്കറ്റ് കോവിൻ സൈറ്റിൽ കയറി ഡൗൺലോഡ് ചെയ്ത് എടുക്കുക എന്നത് ഏറെ പ്രയാസകരമായ ഒന്നാണ്.
ഇതിന് പരിഹാരമെന്ന രീതിയിൽ വാക്സിൻ സർട്ടിഫിക്കറ്റ് ഇനി മുതൽ വാട്സ്ആപ്പിലൂടെയും ഡൌൺലോഡ് ചെയ്യാൻ കഴിയും.
കേന്ദ്ര ഐ. ടി വകുപ്പിന് കീഴിലുള്ള ‘MyGov Corona Helpdesk’ എന്ന സംവിധാനത്തിലൂടെയാണിത്. കോവിനിൽ രജിസ്റ്റർ ചെയ്ത നമ്പറിലെ വാട്സ്ആപ്പ് അക്കൗണ്ടിൽ മാത്രമാണ് സേവനം ലഭ്യമാകുക.
ഡൗൺലോഡ് ചെയ്യേണ്ടത് ഇങ്ങനെ..
▪️9013151515 എന്ന നമ്പർ ഫോണിൽ സേവ് ചെയ്ത ശേഷം വാട്സാപ്പിൽ തുറക്കുക.
▪️Download Certificate എന്ന് ടൈപ് ചെയ്ത് മെസ്സേജ് ചെയ്യുക.
▪️ഫോണിൽ ഒ. ടി. പി ലഭിക്കും. ഇത് വാട്സ്ആപ്പിൽ മറുപടി മെസ്സേജ് ആയി നൽകുക.
▪️ഈ നമ്പറിൽ കോവിനിൽ രജിസ്റ്റർ ചെയ്തവരുടെ പേരുകൾ ദൃശ്യമാവും.
▪️ആരുടെയാണോ ഡൌൺലോഡ് ചെയ്യേണ്ടത് അതിനു നേരെയുള്ള നമ്പർ ടൈപ് ചെയ്താൽ ഉടൻ പി. ഡി. എഫ് രൂപത്തിൽ മെസ്സേജ് ആയി സർട്ടിഫിക്കറ്റ് ലഭിക്കും.
▪️Menu എന്ന് ടൈപ്പ് ചെയ്തയച്ചാൽ കൂടുതൽ സേവനങ്ങളും ലഭിക്കുന്നതാണ്.