പാലക്കാട് : സംസ്ഥാനത്ത് തമിഴ്നാട്ടില് നിന്നുള്ള അപകടകാരികളായ കുറവാ സംഘം എത്തിയിട്ടുണ്ടെന്ന് കേരള പോലീസിന്റെ മുന്നറിയിപ്പ്. ഈ സംഘം അപകടകാരികളാണെന്നും ജനങ്ങള് ജാഗ്രത പാലിക്കണമെന്നും ജനങ്ങളോട് കേരള പോലീസ് നിര്ദ്ദേശിക്കുന്നു. എഴുപത്തിയഞ്ചോളം പേരടങ്ങുന്ന സംഘം പാലക്കാട് അതിര്ത്തി വഴിയാണ് കേരളത്തിലേക്ക് കടന്നിരിക്കുന്നത്.
പകല് സമയത്ത് ആക്രിസാധനങ്ങളും മറ്റും പെറുക്കി വില്ക്കുന്നവരുടെ വേഷത്തിൽ വീടും പരിസരവും കൃത്യമായി മനസിലാക്കിയ ശേഷം രാത്രിയിലാണ് കവര്ച്ച ചെയ്യുന്നതാണ് ഇവരുടെ കവർച്ച ശൈലി .
നല്ല കായികശേഷിയുള്ള ഇവർ എതിര്ക്കുന്നവരെ വകവരുത്താനും മടിക്കില്ല. അതിര്ത്തികളില് അസ്വാഭാവികമായി അപരിചിതരെ കാണുകയാണെങ്കില് വിവരം അറിയിക്കണമെന്നും പോലീസ് നിര്ദ്ദേശിച്ചിട്ടുണ്ട്.
പ്രത്യേകമൊരു താവളം കേന്ദ്രീകരിച്ചല്ല ഇവര് കഴിയുന്നത്. മോഷണത്തിന് ശേഷം ആളൊഴിഞ്ഞ പറമ്പിലോ കുറ്റിക്കാടുകളിലോ അതുമല്ലെങ്കില് പാലങ്ങള്ക്കടിയിലോ ആണ് തമ്പടിക്കുക. കവര്ച്ചയ്ക്ക് ശേഷം തിരുനേല്വേലി, മധുര തുടങ്ങിയ ഇടങ്ങളിലേക്ക് കടക്കുന്നതാണ് കുറവ സംഘത്തിന്റെ പതിവ് രീതിയെന്നും ജനങ്ങൾക്ക് പോലീസ് നിര്ദ്ദേശം നൽകി.