ചെന്നൈ : തെന്നിന്ത്യയിലെ പ്രശസ്ത ചലച്ചിത്ര പിന്നണി ഗായിക കല്ല്യാണി മേനോന് (80) ചെന്നൈയില് അന്തരിച്ചു. പക്ഷാഘാതത്തെ തുടര്ന്ന് കുറച്ചു നാളുകളായി ചെന്നൈയിലെ സ്വകാര്യ ആശുപത്രിയില് ചികില്സയിലായിരുന്നു.
മംഗളം നേരുന്നുവെന്ന ചിത്രത്തില് യേശുദാസിനൊപ്പം പാടി തുടങ്ങിയ കല്യാണി മേനോൻ ‘ഋതുഭേദ കല്പന ചാരുത നല്കിയ’ എന്ന ഗാനവും വിയറ്റ്നാം കോളനി എന്ന ചിത്രത്തിലെ ‘പവനരച്ചെഴുതുന്നു കോലങ്ങളിന്നും’ എന്ന ഗാനവും മലയാളികള്ക്കു സുപരിചതമാണ്.
അഞ്ചാം വയസില് എറണാകുളം ടി.ഡി.എം ഹാളിലെ നവരാത്രി ഉല്സവത്തിന്റെ ഭാഗമായി നടക്കുന്ന കുട്ടികളുടെ സംഗീത മല്സരത്തില് പാടി തുടങ്ങിയ കല്ല്യാണി കോവിഡ് കാലത്തു വരെ സജീവമായിരുന്നു. 1973 ല് തോപ്പില് ഭാസിയുടെ ‘അബല’യില് പാടിയാണു ചലച്ചിത്ര സംഗീതരംഗത്ത് എത്തിയത്.1979 ല് ശിവാജി ഗണേശന്റെ ‘നല്ലതൊരു കുടുംബ’മെന്ന സിനിമയിലൂടെയാണ് തമിഴിെല അരങ്ങേറ്റം.
തമിഴിലും മലയാളത്തിലുമായി നൂറിലേറെ പാട്ടുകള് പാടിയിട്ടുണ്ട്. എറണാകുളം കാരയ്ക്കാട്ടു മാറായിൽ ബാലകൃഷ്ണ മേനോന്റെയും രാജമ്മയുടെയും ഏക മകളായ കല്യാണിക്കുട്ടി എന്ന കല്യാണിമേനോൻ കലാലയ യുവജനോത്സവത്തിലൂടെയാണ് പാട്ടിലേക്കു വരുന്നത്.